З Беларусі да польскіх памежнікаў уцякла нямецкая аўчарка. Там і застанецца
Памежная служба Польшчы паведаміла, што з тэрыторыі Беларусі ў канцы красавіка да іх прыбіўся сабака. Ён перабег беларуска-польскую мяжу ў раёне Баброўнікаў.
Фота: podlaski.strazgraniczna.pl
Памежнікі, пабачыўшы сабаку, звярнулі ўвагу, што аўчарка вельмі прыязна рэагуе на людзей у форме. На сабаку быў ашыйнік з мянушкай на кірыліцы.
Палякі адправілі запыт беларускаму боку і паведамілі пра знойдзенага сабаку. Але адтуль адказалі, што ніякія сабакі ў іх не прападалі.
Цяпер аўчарка мае новую гаспадыню — польскую памежніцу, і яго часова пасялілі на памежным пастарунку ў Баброўніках. Сабаку некалькі разоў звадзілі да ветэрынара і зрабілі прышчэпку, сярод памежнікаў ён сябе адчувае вельмі добра.
Чытайце таксама:
«Я такіх сабак ніколі не бачыла». Воўк ці сабака: хто трымае ў страху жыхароў Віцебска
