Колькі зарабляў і якой маёмасцю валодае суддзя, які збег з Польшчы ў Беларусь
Выглядае, Томаш Шміт пакінуў у Польшчы вялізарныя даўгі.
Томаш Шміт на прэс-канферэнцыі ў Мінску, 6 мая
Журналісты money.pl паглядзелі дэкларацыю Томаша Шміта за 2022 год — дэкларацыя за 2023 год будзе апублікавана толькі ў другой палове гэтага года.
З дэкларацыі Шміта вынікае, што яго заробак — больш за 22,5 тысячы злотых штомесяц (каля 5,5 тысяч даляраў). Ён не валодае ніякай нерухомасцю або рухомай маёмасцю, акрамя Skoda Fabia, 2015 года.
Затое ў Шміта вялізарныя даўгі — пазыкі і крэдыты на суму 584 тысяч злотых — каля 145 тысяч даляраў.
Суддзя Томаш Шміт даў 6 мая прэс-канферэнцыю ў Мінску. Ён заявіў, што падпісаў заяву аб адстаўцы «з прычыны нязгоды з палітыкай і дзеяннямі ўладаў» і папрасіў абароны ў Беларусі.
Ваяводскі адміністрацыйны суд Варшавы ўчора апублікаваў заяву, што Шміт знаходзіцца ў адпачынку з 22 красавіка па 10 мая, а старшыня суда пакуль не атрымліваў ад яго інфармацыі пра адстаўку.
Спецслужбы Польшчы пачалі правяраць, колькі сакрэтнай інфармацыі мог вывезці суддзя Шміт.
Чытайце таксама:
Што за суддзя, які збег з Польшчы да Лукашэнкі? Томаш Шміт датычны да зліву кампрамату на калег
Польскі суддзя папрасіў абароны ў беларускіх уладаў
«Здраднік і падлюга». Дарадца прэзідэнта Польшчы — пра суддзю Шміта, які збег у Беларусь
