Rasijski błohier pradaŭ juziernejm @pavel za $80 tysiač. Pakupnik padaryŭ jaho Paŭłu Duravu
Juziernejmam @pavel vałodaŭ rasijski techničny mieniedžar Pavieł Fiodaraŭ, jaki byŭ adnym ź pieršych karystalnikaŭ Telegram.
Z rostam papularnaści miesiendžara juzernejm zastavaŭsia ŭ Fiodarava: Duraŭ vyrašyŭ, što adbirać jaho budzie «niespartyŭna».
Nočču 22 krasavika Fiodaraŭ vystaviŭ juziernejm na aŭkcyjon. Ranicaj jon vyjaviŭ, što imia syšło prykładna za 80 tysiač dołaraŭ u kryptavalucie.
Jak paźniej paviedamiŭ Duraŭ, juziernejm kupiŭ kryptapradprymalnik i padaryŭ jaho Duravu. Ciapier u zasnavalnika Telegram dadałosia jašče adno imia karystalnika ŭ śpisie.
Sam Duraŭ napisaŭ, što paśla paśpiachovaha prodažu Fiodarava jon kupiŭ sabie jašče juziernejm @paul — kab «źbierahčy ludziej ad padarunkaŭ jamu». Za imia jon zapłaciŭ kala 60 tysiač dołaraŭ.
Čytajcie taksama:
Duraŭ abvierhnuŭ suviaź Telegram z rasijskimi ŭładami
Pavieł Duraŭ daŭ intervju Takieru Karłsanu
Pavieł Duraŭ paabiacaŭ novuju funkcyju ŭ telehramie śpiecyjalna dla našaha rehijona
