Kamu miedyki rekamiendujuć pryščapicca ad kavidu hetaj viasnoj
U stalicy zachvorvańnie na COVID-19 istotna skaraciłasia i znachodzicca na nizkim uzroŭni.
Fota: Julia Borodun Belarus Health Ministry via AP
Vypadkaŭ ciažkaha praciakańnia kavid-infiekcyi niama. Pra heta raspavioŭ staršynia Kamiteta achovy zdaroŭja Minharvykankama Ihar Jurkievič, pišuć Minsk-naviny.
— Mnohija ludzi pierachvareli, niekatoryja pa niekalki razoŭ, — adznačyŭ Jurkievič. — Taksama aktyŭna pryščaplalisia, tamu sfarmavałasia imunnaja prasłojka.
Razam z tym, siońnia zrabić pryščepku ad karanavirusnaj infiekcyi — nie prablema. Vakcyny, u tym liku dla buster, jość u dziciačych i ŭ darosłych paliklinikach.
— Vakcynacyja rekamiendavana ludziam z asłablenym imunitetam, z chraničnymi zachvorvańniami sardečna-sasudzistaj, endakrynnaj sistem, pierš za ŭsio z cukrovym dyjabietam, — rastłumačyŭ Jurkievič.
Nahadajem, što ŭłady ź lipienia 2022 hoda nie paviedamlali ličby zachvarełych na kavid.
Čytajcie taksama:
Budaŭnictva zavoda pa vyrabie biełaruskaj vakcyny ad kavidu spynili
Za čas pandemii kavidu źvioŭsia adzin sa štamaŭ hrypu
«U maim kalektyvie z 20 čałaviek pryščepku zrabili dva — astatnija vakcyny vylili va ŭmyvalnik»
