Na Paleśsi ŭspomnili pra jašče adzin vypadak ź biazładździem u biełaruskich morhach
Dniami stała viadoma pra vypadak, jaki ŭ 2021 hodzie adbyŭsia ŭ morhu Pinskaj centralnaj balnicy pierabłytali trupy. Zamiest pamierłaha mužčyny svajakam vydali cieła nieviadomaha, tvar jakoha byŭ zabintavany. Praŭda ž vyśvietliłasia ŭžo tolki paśla pachavańnia. U suviazi z hetym sajt «Miedyja-Paleśsie» zhadaŭ jašče pra adzin skandalny vypadak, jaki ŭ tym samym hodzie adbyŭsia ŭ toj ža samaj ustanovie.
«Miedyja-Paleśsie» roŭna try hady tamu apublikavała infarmacyju, kali ź pinskaha morha vykrali trup žycharki Łuninieckaha rajona. Cieła 37-hadovaj žančyny, jakaja, dakładna viadoma, była VIČ-infikavanaja, dastavili ŭ pinski morh u studzieni 2021 hoda.
Pra toje, što žančyna pamierła, svajakam paviedamili sa špitala. Tyja pačali arhanizoŭvać pachavańnie. Vykapali jamu na mohiłkach, kupili trunu i pajechali za niabožčycaj u pinski morh.
«Ale nam vydali tolki paśviedčańnie ab śmierci, trupa ŭ morhu nie akazałasia, jon źnik tajamničym čynam», — raskazvała tady «Miedyja-Paleśsiu» siastra. U vykapanaj mahile zakapali bochan chleba…
Tady ž Pinskim mižrajadździełam SK była zaviedzienaja kryminalnaja sprava pa artykule «Ździek nad trupam». Ale, jak paviedamiła ciapier «Miedyja-Paleśsiu» kampietentnaja krynica, ni padazravanych, ni cieła, ni hodnych viersij, jakija mahli b padavacca bolš-mienš praŭdapadobnymi, u śledstva tak i nie znajšłosia…
Čytajcie taksama:
Vypadak ź miortvym ciełam, jakoje pierabłytali ŭ Homieli nie ŭnikalny — toje samaje było ŭ Pinsku
