Prapahanda azadačyłasia, čamu moładź abmiarkoŭvaje sieryjał «Słova pacana», a nie vybary. I raśpisałasia ŭ biazdarnaści
Asablivaści novaj elektaralnaj kampanii abmierkavali ŭdzielniki tok-šou «Pa sutnaści» na STB.
U studyi STB abmiarkoŭvajuć budučyja vybary. Skryn videa STB
Pierakonvali, što ludzi achvotna adkazvajuć na pytańni pra vybary pry asabistym intervju, a ŭ kamisijach buduć spres łukašenkaŭskija prafsajuzy.
Ci stała mienš achvotnych udzielničać u vybarčych kamisijach?
Padčas pieradačy viadučaja STB Alena Syrova spytała: ci nie stała ciapier mienš achvotnych uvajści ŭ skład vybarčych kamisij? I ci źmianiŭsia ich sacyjalny partret?
Pa słovach staršyni Mahiloŭskaj abłasnoj vybarčaj kamisii Jaŭhiena Aleksa, achvotnych nie pamienieła. Što datyčyć sacyjalnaha partretu, to pa Mahiloŭskaj vobłaści sfarmavana 188 terytaryjalnych i akružnych vybarčych kamisij. U ich skład uvajšło 1218 čałaviek.
«Kali pahladzieć na sacyjalny partret, to jon šmat u čym adlustroŭvaje siońniašniuju rasstanoŭku palityčnych i hramadskich sił. U hetych kamisijach kala 10% — pradstaŭniki čatyroch palityčnych partyj. Ale najbolš pradstaŭleny hramadskija abjadnańni — heta prafsajuzy, što ŭvachodziać u skład Fiederacyi prafsajuzaŭ Biełarusi», — raspavioŭ Aleksa.
Pryłukašenkaŭskaja Fiederacyja prafsajuzaŭ budzie stvarać centr pa nazirańni.
Jak raniej pisała «Naša Niva», adbor u vybarčyja kamisii ŭsio ž prachodziŭ sa składanaściami. Niekatoryja admaŭlalisia ŭdzielničać, pamiatajučy 2020-ty. «Idučy ŭ kamisiju, ty faktyčna vystaŭlaješ siabie h*m u vačach tych, z kim ty žyvieš», — tłumačyła adna z nastaŭnic svaju admovu.
«Ludzi z bolšaj achvotaj i česna adkazvajuć pry apytańni «tvar u tvar»
Namieśnik dyrektara Instytuta sacyjałohii NAN Biełarusi Alaksandr Pastałoŭski raspavioŭ, što ŭ mai-červieni było praviedziena apytańnie adnosna infarmavanaści nasielnictva pra vybarčuju kampaniju.
«Vyniki nas vielmi mocna ździvili. I ździvili ŭ pazityŭny bok. Apytańnie pravodziłasia ŭ letni pieryjad, adpusknoju paroju. Ludzi adpačyvajuć — jakija tam, umoŭna kažučy, elektaralnyja pieravahi? Ale pry hetym my źviarnuli ŭvahu, što absalutnaja bolšaść nasielnictva razumieje važnaść adzinaha dnia hałasavańnia, nadaje hetamu peŭny sens.
67% nasielnictva Respubliki Biełaruś užo hatova pryniać u im udzieł. Uličvajučy, što hetyja danyja byli atrymany za 9 miesiacaŭ da startu vybarčaj kampanii, heta vielmi vysokija ličby. I tut nie vysokaja stupień palityzacyi hramadstva, a vysokaje pačućcio adkaznaści nasielnictva»,
— śćviardžaŭ Pastałoŭski.
Treba adznačyć, što ŭ ciapierašnich umovach, kali hramadstva zapužana, kazać pra reprezientatyŭnaść dziaržaŭnaj sacyjałohii nie davodzicca. Tym bolš, što apytańnie było praviedziena pa mietodycy «tvar u tvar».
«Pakolki tut sama śpiecyfika — «elektaralnyja pieravahi», — miarkujučy pa šmathadovaj praktycy, respandenty z bolšaj achvotaj i česna adkazvajuć, kali jość apytańnie «tvar u tvar». Jany bačać intervjujera, intervjujer pradstaŭlajecca, zadaje pytańni i ludzi, jak praviła, achvotna adkazvajuć», — tłumačyŭ Pastałoŭski vybar mietadu.
Čamu moładź abmiarkoŭvaje «Słova pacana», a nie vybary
Viadučaja Alena Syrova vykazała mierkavańnie, što pa prykładzie Rasijskaj Fiederacyi z udziełu ŭ vybarach treba zrabić svojeasablivy trend. I dla hetaha pavinny dałučycca błohiery, jakija b pijaryli padzieju.
«Papularny ciapier u Rasii sieryjał całkam zachapiŭ u tyktoku našych maładych ludziej. A čamu ciapier tema vybaraŭ, adzinaha dnia hałasavańnia nie moža tam być hałoŭnaj temaj?» — zadaŭsia pytańniem namieśnik staršyni Maładziožnaha savieta pry CVK Biełarusi Alaksandr Burda.
«Dla hetaha treba vałodać pryblizna takim ž talentam, jak stvaralniki hetaha sieryjała», — zaŭvažyŭ Kazakoŭ.
Takoha talentu ŭ funkcyjanieraŭ niama.
Čytajcie jašče:
Vybary aficyjna pryznačanyja na 25 lutaha 2024 hoda
«Chopić hulać u demakratyju». Telekanał ANT vykazaŭsia pra «miakki elektarat»
Karpienka raskazaŭ, kali projduć nastupnyja prezidenckija vybary
