8-hadovy chłopčyk dazvoliŭ atrutnamu pavuku ŭkusić siabie, kab stać Čałaviekam-pavukom
U Balivii chłopčyk znajšoŭ pavuka z charakternaj čyrvonaj plamaj na brušku. Heta była čornaja ŭdava — atrutny pavuk, čyj ukus moža być śmiarotnym dla čałavieka. Chłopčyk, na žal, hetaha nie viedaŭ.
Fota: Wayne Lee-Sing / Unsplash
Ën pakłaŭ členistanohaje na tylny bok dałoni, kudy zatym pavuk jaho i ŭkusiŭ. Jak raskazała paźniej maci chłopčyka, takim čynam jon spadziavaŭsia stać Čałaviekam-pavukom, piša Newsweek.com.
Paśla ŭkusu chłopčyk złaviŭ pavuka ŭ šklanku i pajšoŭ dadomu. Ale prykładna praz try hadziny jon staŭ pačuvacca błaha: źjaviŭsia bol pa ŭsim ciele i sutarhi. Chłopčyk raskazaŭ maci pra ŭkus, paśla čaho byŭ terminova dastaŭleny ŭ špital, dzie jamu ŭviali procijadździe.
Ciapier jaho stan stabilizavaŭsia i žyćciu ničoha nie pahražaje.
