Vidavočca bojki Kakoryna i Mamajeva ź biełarusam: Jon sam spravakavaŭ chłopcaŭ
Vidavočca bojki z udziełam futbalistaŭ Alaksandra Kakoryna i Paŭła Mamajeva kala maskoŭskaj haścinicy «Piekin» raspavioŭ padrabiaznaści zdareńnia. Jon vykazaŭ zdahadku, što kiroŭca viadučaj Pieršaha kanała Volhi Ušakovaj — biełarus Vital Sałaŭčuk — moh spravakavać kanflikt.
«Usie razam adpačyvali va ŭstanovie. Vyklikali taksi, vyjšli na vulicu. Tam choładna, taksi ŭsio nie jechała. Adna ź dziaŭčat, ubačyŭšy pryparkavanuju mašynu z kiroŭcam, vyrašyła, što heta taksi i sieła na zadniaje siadzieńnie. Kiroŭca vielmi hruba, z matam staŭ jaje vyhaniać», — raspavioŭ jon i dadaŭ, što Mamajeŭ zrazumieŭ, što dziaŭčyna pamyliłasia, i vyciahnuŭ jaje z mašyny. Paśla hetaha vyjšaŭ kiroŭca i «pačaŭ harłapanić na chłopcaŭ i dziaŭčat matam, vykarystaŭ adno zusim kryŭdnaje słova».
«Alaksandr i Pavieł vyraśli ŭ prostych siemjach. Karaciej, za takuju abrazu ŭ tym ža Padolsku, adkul rodam Mamajeŭ, patrabujuć tłumačeńniaŭ. Alaksandr i Pavieł padyšli da kiroŭcy, zapatrabavali rastłumačyć. Toj u adkaz staŭ pałochać i znoŭ u tvar im paŭtaryŭ hetaje słova», — skazała krynica.
Adnak spačatku ničoha nie pradviaščała bojki: «Pavieł žestykulavaŭ. Kiroŭca raptam adkinuŭ jaho ruku i jašče udaryŭ u tvar. Mamajeŭ hetaha nie čakaŭ, navat adlacieŭ ubok. Nu, i paniesłasia. Kali brać ź niejkich mužčynskich paniaćciaŭ, to kiroŭca prosta pravakavaŭ chłopcaŭ».
Hety punkt hledžańnia razychodzicca z tym, pra što raspavioŭ paciarpieły ŭ bojcy Sałaŭčuk.
Čytajcie taksama:
Rasijskija top-futbalisty da bojki ŭ kafe žorstka źbili biełarusa, jaki zrabiŭ im zaŭvahu. Jon trapiŭ u reanimacyju
Biełarus, jakoha pabili Kakoryn i Mamajeŭ: Kroŭ śvistała ažno z vušej
