Łukašenka pra «spravu miedykaŭ»: 95 kryminalnych spraŭ, zakranuta viertykal da Minzdaroŭja, a moža, i vyšej
president.gov.by
Alaksandr Łukašenka 11 vieraśnia na naradzie ab prablemnych pytańniach u sistemie achovy zdaroŭja i kadravych pryznačeńniach rastłumačyŭ maštabnyja antykarupcyjnyja mierapryjemstvy ŭ hetaj śfiery, paviedamlaje pres-słužba kiraŭnika dziaržavy.
Łukašenka padkreśliŭ, što aktualnaść narady vyklikana, pierš za ŭsio, nieabchodnaściu vyrašeńnia prablem, jakija ŭźnikli ŭ miedycynskaj śfiery. «Ich maštab taki, što ŭžo nielha prosta abmiežavacca novymi pryznačeńniami», — padkreśliŭ jon.
«Ź minułaha hoda mnie stała pastupać infarmacyja ab tym, što kolkaść spraŭ karupcyjnaha charaktaru ŭ miedycynie rezka ŭzrasła — amal u dva razy. Na žal, fakty karupcyi zdarajucca ŭsiudy, ale ŭ achovie zdaroŭja prablema stała nie kropkavaj, a skraznoj, sistemnaj. Jana zakranuła nie asobnych słužbovych asob, a zakranuła praktyčna ŭsiu viertykal — ad pryvatnikaŭ, vajskoŭcaŭ, dziaržaŭnych słužačych da Ministerstva achovy zdaroŭja, a moža być, i vyšej, śledstva raźbiarecca. Mnoj była pastaŭlena pryncypovaja i ćviordaja zadača — nie znajści «strełačnikaŭ», a litaralna vykarčavać hetuju zarazu daščentu, dakapacca da arhanizataraŭ hetaha biezzakońnia. Tak što nie treba było ničoha hadać, heta było majo daručeńnie kantralujučym i pravaachoŭnych orhanaŭ. Pryčynu ja vam nazvaŭ», — skazaŭ Łukašenka.
Jak rastłumačyŭ jon, samaje važnaje było — vyjavić pieradumovy i pryčyny, jakija pryviali da zaviadzieńnia 95 kryminalnych spraŭ, dzie fihurujuć dziasiatki miljonaŭ dalaraŭ złačynnych srodkaŭ. U vyniku praviedzienaj pracy amal 100 čałaviek trapili pad śledstva. «Kali jano skončycca, sud vyznačyć, chto i nakolki vinavaty. Ale tyja fakty, jakija vykrytyja, sumnievaŭ nie vyklikajuć», — padkreśliŭ kiraŭnik dziaržavy.
