Журналіст Ігар Карней, які сёння выйшаў з жодзінскага ізалятара пасля 10-суткавага арышту, расказаў, што за краты трапляюць і прыхільнікі Лукашэнкі, піша Радыё Свабода.
Ігар сядзеў разам з такім удзельнікам вулічных падзей, які спрабаваў падтрымаць бок улады.
«Ён прыйшоў на Пушкінскую і спрабаваў падтрымліваць амапаўцаў, якія разганялі пратэстоўцаў, маўляў, «бі, лупі, валі іх!» Але атрымалася так, што ён крычаў, амапаўцы, напэўна, не разабраліся што гэта было — і ўзялі яго».
Судзіў прыхільніка Лукашэнкі суддзя з Чэрвеня, яму далі 12 сутак. На судзе ён спрабаваў апраўдвацца,казаў, што ён «свой», што ўдзельнічае ў аўтапрабегах пад чырвона-зялёным сцягам. Аднак суд да гэтага не прыслухаўся, і яму ўсё роўна далі 12 сутак.
«І вось калі ён выйшаў, — расказвае Ігар Карней, — амапавец, вельмі злы амапавец, яго абняў і сказаў: «Ну, всякое бывает, так что, братан, держись, в следующий раз будет меньше…»
Беларускім топ-чыноўнікам у Валгаградзе раздалі каларадскія стужкі. Марзалюк застаўся з яблыневай ФОТЫ8
Каментары