Даслаць навіну
Знайсці
20.11.2020 / 01:33

«Цяжкія наступствы мусяць наступіць для пацярпелага». Адвакат пракаментаваў дзіўнае затрыманне медыка і журналісткі Tut.by

19 лістапада Генпракуратура паведаміла пра затрыманне медыка, які апублічыў звесткі аб стане Рамана Бандарэнкі. Таксама ўвечары сілавікі прыйшлі ў кватэру журналісткі Tut.by Кацярыны Барысевіч, якая пісала пра смерць хлопца. Яе забралі ў СІЗА КДБ.

Крымінальная справа заведзена па ч. 3 арт. 178 Крымінальнага кодэкса Рэспублікі Беларусь («выдаванне медыцынскай таямніцы»).

«Медык выдаў медыцынскую таямніцу, пры гэтым прадставіў недакладную інфармацыю», — удакладняецца ў паведамленні Генпракуратуры.

Ведамства адзначае, што такія дзеянні з боку доктара і журналіста пацягнулі за сабой «цяжкія наступствы, якія выказаліся ў падвышанай напружанасці ў грамадстве, стварэнні атмасферы недаверу да дзяржаўных органаў і памкненняў грамадзян да агрэсіі і супрацьпраўных дзеянняў».

«Наша Ніва» папрасіла пракаментаваць сітуацыю адваката Андрэя Мачалава. 

«Заводзіць крымінальную справу без заявы прадстаўніка пацярпелага сама Генпракуратура па гэтым артыкуле можа, — мяркуе Мачалаў.

— Але ўзнікае пытанне, што за цяжкія наступствы пацягнула раскрыццё медыцынскай таямніцы? Бо цяжкія наступствы мусяць наступіць для пацярпелага (пасля выдавання таямніцы ён развёўся, страціў працу, здзейсніў суіцыд). Напружанасць у грамадстве як цяжкія наступствы — спрэчны момант».

Ці могуць быць медыцынскай таямніцай даныя памерлага чалавека — таксама спрэчнае пытанне, кажа Мачалаў. Па яго словах, сярод адвакатаў няма адзінай пазіцыі па гэтым пытанні.

Мачалаў таксама не разумее, як і за што сілавікі збіраюцца прыцягнуць да адказнасці журналіста.

Nashaniva.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30