Дзяржсакратар СД: Другая АЭС у Беларусі можа забяспечыць усе патрэбы краіны ў электраэнергіі
Энергаспажыванне ў Беларусі будзе практычна цалкам забяспечана ў выпадку будаўніцтва другой АЭС у краіне, такое меркаванне выказаў дзяржсакратар Саюзнай дзяржавы Расіі і Беларусі Рыгор Рапота, піша Інтэрфакс.
«Атамная электрастанцыя пакрые 40% цяперашняга энергаспажывання Беларусі. Дзве такія электрастанцыі — гэта амаль 100% энергаспажывання Рэспублікі з усімі наступствамі, што вынікаюць: незалежнасць ад знешніх крыніц энергіі і г. д.
Гэта пакуль што размовы, але яны вядуцца самым сур'ёзным чынам», — заявіў Рапота ў аўторак на палях форуму «Інфармацыйная бяспека Саюзнай дзяржавы: сучасныя выклікі і новыя тэхналогіі».
АЭС урачыста адкрыў 7 лістапада Аляксандр Лукашэнка, тады яна выйшла на магутнасць 400 МВт. Але ўжо 10 лістапада Міністэрства энергетыкі Беларусі пацвердзіла прыпыненне пастаўкі электраэнергіі.
