Знайсці
01.11.2020 / 12:57РусŁacБел

Тысячы чалавек дайшлі да Курапатаў, нягледзячы на светлашумавыя гранаты і страляніну ФОТА

Сёння праходзіў марш у Курапаты, дзе ў 1930-я сталіністы расстрэльвалі людзей. Традыцыйна перад Дзядамі ў Курапатах адбываецца акцыя памяці. Сёлета марш суправаджаецца затрыманнямі. Трапіць у Курапаты змаглі не многія пратэстоўцы. Нягледзячы на светлашумавыя гранаты і страляніну, тысячы чалавек дайшлі да Курапатаў.

19:01

18:33

Частка пратэстоўцаў сёння ўсё ж, нягледзячы на брутальныя дзеянні сілавікоў, дайшла да Курапат. Фота — Аляксандры Піліповіч-Сушчыц.

18:16

Фота сённяшняга супрацьстаянна пратэстоўцаў і сілавікоў на падыходзе да Курапат. Фота — Аляксандры Піліповіч-Сушчыц.

17:43

Вось такі бел-чырвона-белы жывы калідор утварылі людзі, якія прыйшлі сёння ў Курапаты.

17:33

Так выглядаў затор і дэсант сілавікоў на Лагойскім тракце непадалёк ад урочышча Курапаты. Фоты Tut.by.

17:29

Людзі ўсё яшчэ ідуць у Курапаты. Падымаюцца да асноўнага мемарыяла праз жывы калідор, які пратэстоўцы ўтварылі абапал сцежкі, стаўшы плячом да пляча і ўзняўшы нацыянальныя сцягі.

Наверсе, ля цэнтральнага мемарыяла, спяваюць песні, гучалі і «Муры».

Бачна, што многія ў Курапатах упершыню.

Шмат людзей усё яшчэ ля «Экспабела», недалёка ад Курапатаў.

17:12

Сёння затрымалі трох журналістаў газеты «Новы Час»:

Дзмітрый Дзмітрыеў моцна збіты, знаходзіцца ў Партызанскім РУУС. Аляксандр Зяньковіч, Яна Трусіла — у Кастрычніцкім РУУС.

Таксама збіты журналіст «Белсата» Зміцер Солтан, ён у Кастрычніцкім РУУС. У яго забралі камеру і тэлефон. Афармляюць пратакол.

16:54

16:52

Тысячы людзей прарваліся да Курапат, нягледзячы на шматлікія перашкоды на шляху. Людзі нясуць кветкі, запальваюць свечкі, ідуць ад крыжа да крыжа.

16:41

Проста цяпер у Курапатах сотні людзей. Асобныя калоны яшчэ толькі падыходзяць, зараз шмат дэманстрантаў ля «Экспабела».

Калі сілавікі перакрылі праход да Курапат па Мірашнічэнкі праз МКАД, людзі проста пайшлі ва ўрочышча полем.

16:35

16:20

У раёне МКАД — Мірашнічэнкі сілавікі ўжылі супраць дэманстрантаў святлошумавую гранату, таксама чуюцца стрэлы.

16:15

16:10

16:02

Асноўная калона дэманстрантаў проста зараз заняла Карбышава і рухаецца ў бок Курапатаў.

15:56

Tut.by

Tut.by

Tut.by

15:54

Усе станцыі метро адкрытыя.

15:50

На Лагойскім тракце сілавікі ўзарвалі адну святлошумавую гранату, перадаюць чытачы. Быў бачны дым. Аўтамабілісты зацята сігналяць.

15:42

Патокі людзей на Каліноўскага, Цікоцкага, Кедышкі, праспекце каля метро «Усход».

15:35

Асноўная частка калоны «Усход» перамясцілася з Каліноўскага на Кедышкі. Жыхары мікрараёна трымаюць дзверы пад'ездаў адчыненымі.

15:32

На Каліноўскага ля храма Усіх святых групіруюцца сілавікі, чуўся стрэл з помпавага ружжа. Перад гэтым людзі суправаджалі іх з паднятымі рукамі і скандаваннем: «Ён вас кіне!»

Сюды таксама пад’ехаў вадамёт.

15:30

Дэманстранты абыходзяць АМАП на рагу Каліноўскага і Кедышкі. Сілавікі ўжылі святлошумавыя сродкі, гэта не застрашыла людзей. Дэманстранты абыходзяць АМАП на рагу Каліноўскага і Кедышкі. Сілавікі ўжылі святлошумавыя сродкі, гэта не застрашыла людзей.

15:24

Новы налёт на дэманстрантаў на рагу Кедышкі і Каліноўскага.

15:23

На Каліноўскага прыбылі аўтазакі, высадзіліся сілавікі. Хвост калоны адразу перамясціўся ў двары. Многія адышлі ў бок Сляпянскай воднай сістэмы. Аўтамабілісты спрабуюць заблакаваць рух аўтазакаў. Дэманстрантаў тут дзясяткі тысяч.

15:12

Дэманстранты не змяшчаюцца на тратуарах. Выйшлі на праезную частку вуліцы Каліноўскага. Масавая падтрымка аўтамабілістаў і з дамоў.

15:10

Ужо дзясяткі і дзясяткі тысяч дэманстрантаў на Каліноўскага і праспекце Незалежнасці ад павароту на Каліноўскага да раёна метро «Маскоўская».

15:05

Tut.by

Tut.by

Tut.by

Tut.by

15:01

Галава асноўнай калоны дэманстрантаў зараз ля скрыжавання з вуліцай Каліноўскага ля метро «Усход». Хвост — ля метро «Маскоўская». Калона нераўнамерная, людзі ідуць групкамі. Агулам у шэсці ўжо бярэ ўдзел каля 20 тысяч дэманстрантаў.

14:55

Калона аўтазакаў перамясцілася на Кедышкі з праспекта Незалежнасці, людзі разышліся па дварах. У той жа час вялікая калона сфарміравалася ля Усхода.

14:50

14:44

Каля 10 тысяч дэманстрантаў сабралася між праспектам Незалежнасці і вуліцай Кедышкі проці метро «Усход». Калона сфарміравалася на вуліцы Кедышкі. З Філімонава да іх пад'ехала калона бусаў.

14:42

Вялікія групы людзей працягваюць рух па праспекце Незалежнасці. Зараз яны праходзяць скрыжаванне з вуліцай Філімонава. Ідуць па тратуарах ранейшым маршрутам моўчкі і без сцягоў.

14:38

Некалькі тысяч ўдзелнікаў маршу цяпер ідуць па вуліцы Валгаградскай у бок Лагойскага тракту.

14:36

14:35

Частка калоны заблакаваная на ўчастку ад Валгаградскай да БЦ «Аляксандраў пасаж». Калона развярнулася і ідзе да Акадэміі навук. Калоне, што ішла ад Уручча таксама перагарадзілі дарогу.

14:33

З двароў на праспекце Незалежнасці выбягаюць людзі — магчыма, там затрыманні.

Тысячы людзей цяпер ідуць па ходніках. Калона з аўтазакаў і бусаў з АМАП едзе разам з імі па праспекце Незалежнасці. За будынкам Беларусьфільма ізноў стаіць ланцуг АМАП. Калона Маршу спынілася — вырашаюць, што рабіць.

14:32

Па мосце ад Нацбібліятэкі ў бок метро «Маскоўская» выехалі вадамёты.

14:25

Tut.by

За скрыжаваннем з вуліцай Макаёнка дзве калоны дэманстрантаў, якія рухаліся па тратуарах, аб’ядналіся зноў у адну вялікую калону і рушаць далей па праезнай частцы. Сілавікі едуць паволі ззаду.

14:23

Сілавікі сталі ў ланцуг на праспекце, дэманстранты абыходзяць іх па тратуары, скандуюць «Фашысты!». Ззаду калоны дэманстрантаў з бусаў выйшлі, імаверна, супрацоўнікі ГУБАЗіКа, апранутыя па-спартыўнаму з дубінкамі ў руках.

14:21

Ад Макаёнка на праспект пад’ехала 6-7 бусаў, з іх выйшлі спецслужбісты ў чорнай і зялёнай форме. Апошнія трымаюць помпавую зброю. Сілавікі рухаюцца ў бок калоны. Дэманстранты спыніліся каля корпуса БДАТУ і групіруюцца.

14:20

З боку метро «Маскоўская» даносіцца папярэджанне МУС аб парушэнні заканадаўства і хлапкі, падобныя на стрэлы.

14:10

Калона з некалькіх тысяч чалавек рушыла па праспекце Незалежнасці ад Парку Чалюскінцаў у бок Курапат.

Шмат бел-чырвона-белых сцягоў.

Таксама едзе калона бусаў.

14:06

14:05

На бульвары Талбухіна затрымалі журналіста ТАСС Юрыя Шамшура.

— Падышлі амапаўцы, запрасілі ў бусік, адвезлі на Калініна. Я папрасіў патэлефанаваць у рэдакцыю, камандзір з кімсьці звязваўся, высвятляў мае звесткі. У выніку завезлі за «1000 дробязяў», папрасілі прабачэння і адпусцілі, — распавёў Шамшур.

13:52

Сёння сілавікі ездзяць, у тым ліку на мікрааўтобусах з нумарамі таксі. На праспекце Незалежнасці заўважаныя аўтамабілі з жоўтымі нумарамі Магілёўскай і Мінскай абласцей.

Каля Курапатаў на МКАД ужо стаяць мікрааўтобусы з сілавікамі.

«Радыё Свабода»

13:50

Людзі невялікімі калонамі ідуць па праспекце Незалежнасці да заводу «Луч», і ўжо некалькі сотняў чалавек сабралася на бульвары Талбухіна. Як распавядае адзін мужчына, да яго на бульвары падышлі два паставыя міліцыянты ў форме.

— Я проста сядзеў на лавачцы, піў колу, яны падышлі і кажуць: «Калі вы хочаце правесці гэты вечар дома, вам варта сысці адсюль — на бульвары будуць мерапрыемствы. Калі не хочаце, працягвайце тут сядзець». Тое ж самае яны сказалі і бацькам, якія з дзецьмі збіралі лісце на бульвары, — распавёў мужчына.

13:30

Непасрэдна на абвешчаным шляху меркаванага Маршу супраць тэрору, які мае пайсці ў Курапаты, — толькі машыны ДАІ, паведамляюць карэспандэнты «Наша Ніва». Аднак метро «Акадэмія навук», «Парк Чалюскінцаў» і «Маскоўская» закрытыя, а ў Мінску, як і кожную нядзелю, назіраецца канцэнтрацыя сілавікоў як у цэнтры, так і ў раёнах вакол маршруту Маршу.

12:45

У 12:40 у «мэтах бяспекі пасажыраў» на ўваход і выхад зачыненыя станцыі метро «Акадэмія навук», «Парк Чалюскінцаў» і «Маскоўская». Цягнікі ідуць без прыпынку на гэтых станцыях, паведамляе Мінскі метрапалітэн.

12:20

З праспекта Незалежнасці ў бок вуліцы Валгаградскай павярнулі аўтазакі і мікрааўтобусы. Вялікая калона тэхнікі і вадамёт накіраваліся на вул. Каліноўскага.

Актыўнасці сілавікоў заўважаныя і каля Стэлы на праспекце Пераможцаў.

12:10

З раніцы ў Мінску заўважана спецтэхніка, агароджы на Плошчы Незалежнасці і Кастрычніцкай, а таксама перакрыты ўваход у Парк Чалюскінцаў.

Традыцыйна адключаны мабільны інтэрнэт.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера