Памёр кіраўнік «Самсунга» Лі Гон Хі. Ён ператварыў кампанію ў сусветнага гіганта
Старшыня канцэрна Samsung Лі Гон Хі памёр ва ўзросце 78 гадоў, піша РБК
Yonhap
Лі Гон Хі меў праблемы са здароўем пасля перанесенага ў 2014 годзе сардэчнага прыступу. Апошнія некалькі гадоў ён заставаўся фармальным кіраўніком кампаніі, а фактычна Samsung кіруе яго сын Лі Чжэ Ену.
«Старшыня Лі быў сапраўдным празорцам, які ператварыў Samsung з мясцовага бізнэсу ў вядучага сусветнага наватара і прамысловага гіганта. Яго заява 1993 года аб «новым кіраванні» стала рухаючай сілай бачання кампаніі па прадастаўленні найлепшых тэхналогій для развіцця глабальнага грамадства. <…> Яго спадчына будзе вечнай», — гаворыцца ў заяве Samsung.
Лі Гон Хі нарадзіўся 9 студзеня 1942 года. Яго бацька, Лі Бен Чхоль, быў заснавальнікам Samsung Group. Пасля яго смерці ў 1987 годзе Лі Гон Хі ўзначаліў канцэрн.
