Даслаць навіну
Знайсці
22.10.2020 / 15:18

Экс-журналіст АНТ Дзмітрый Семчанка: Мяне паблыталі з паплечнікам Лушча і шлюць праклёны

Былы журналіст прэзідэнцкага пула Дзмітрый Семчанка распавёў карэспандэнту «Нашай Нівы», што апошнімі днямі людзі масава пішуць яму негатыўныя каменты і паведамленні.

Прычына — яго пераблыталі з іншым Дзмітрыем Семчанкам, стваральнікам будучай прарасійскай партыі «Саюз».

Павялічыць

Тэлевядучы Дзмітрый Семчанка

Нагадаем, што неўзабаве чакаецца з’яўленне партыі, якая будзе актыўна выступаць за беларуска-расійскую інтэграцыю. Называцца партыя будзе «Саюз», яе заснавальнік — сумнавядомы Сяргей Лушч. У прэзідыуме аргкамітэту яшчэ шэраг імёнаў, сярод якіх згадваецца «Дзмітрый Семчанка».

Многія падумалі, што гэты Семчанка — менавіта былы журналіст дзяржаўнага тэлебачання. Але ж гэта не так. Паплечнік з партыі Лушча — проста поўны цёзка рэпарцёра.

Журналіст наракае, што яму трэці дзень абрываюць тэлефон сябры і нават сваякі з пытаннем: «Дзіма, няўжо ты ўступіў у нейкую прарасійскую партыю?»

«Маўляў, нават на фатаграфіі ёсць чалавек, падобны да мяне. Я ўжо стаміўся адказваць, што нікуды не ўступаў. Я не ведаю, хто гэты Дзмітрый Семчанка. Магчыма, абсалютна невядомы мне цёзка. Я ніколі не знаходзіўся ні ў якой партыі, ніколі не быў у БРСМ і нават у праўладны Саюз журналістаў не ўваходзіў.

І калі раптам апынуся ў якой-небудзь партыі, гэта будзе дакладна партыя патрыётаў Беларусі!

— тлумачыць былы журналіст. — Я ўжо напісаў пра гэта ў сацсетках, але ахоп там у мяне невялікі, таму многія працягваюць думаць, што я неяк з гэтым звязаны. Мяне лаюць на форумах. У каментарах з гэтай навіной. Пішуць: вось гэта Дзмітрый Семчанка «герой» — прадаў сваю краіну гераічна. Дык вось не прадаваў я Беларусь і іншым прадаць не дам».

УШ

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30