Знайсці
21.10.2020 / 21:511РусŁacБел

На затрыманых у Брэсце на акцыі пратэсту журналістаў склалі пратаколы як на ўдзельнікаў. Над імі пачаліся суды

Максіма Хлябца і Рамана Чмяля, якія асвятлялі чарговую акцыю пратэсту, міліцыя прыраўняла да ўдзельнікаў несанкцыянаванага масавага мерапрыемства, паведамляе «Брэсцкая газета».

У сераду, 21 кастрычніка, на волю выйшлі пазаштатны журналіст «БГ» Максім Хлябец і фотакарэспандэнт «БГ» і гарадскога часопіса «Бінокль» Раман Чмель. Журналістаў, якія асвятлялі нядзельную акцыю пратэсту, затрымалі на праспекце Машэрава і пратрымалі ў ІЧУ трое сутак. Калегі з недзяржаўных СМІ, іх сябры да апошняга спадзяваліся, што Рамана і Максіма адпусцяць без складання пратакола, але дарэмна. Справу давялі да суда.

У нядзелю, 18 кастрычніка, Максім Хлябец і Раман Чмель працавалі на нядзельнай акцыі пратэсту. Каля 17:00 хлопцы знаходзіліся на праспекце Машэрава. Тут да іх падышлі амапаўцы і прапанавалі прайсці ў мікрааўтобус. Спачатку іх збіраліся везці ў РАУС Брэсцкага раёна, але потым хлопцы пачулі па рацыі каманду: везці ў Ленінскі.

Там журналістаў хутка апыталі і адправілі ў падвал ІЧУ.

Пасля абеду 21 кастрычніка, калі ў Максіма і Рамана заканчваліся 72 гадзіны з моманту затрымання (па законе да таго часу іх павінны былі альбо судзіць (ці хаця б пачаць працэс), альбо адпусціць — заўв. Рэд.), Іх калегі і сябры чакалі хлопцаў спачатку ў судзе, потым каля брамы ІЧУ. Аказалася, што журналістаў павезлі ў суд.

Адвакаты журналістаў папрасілі даць час для азнаямлення з матэрыяламі адміністрацыйных спраў. Суд іх хадайніцтвы задаволіў. Па справе Максіма Хлябца абвешчаны перапынак да 22 кастрычніка, Рамана Чмяля — да 23 кастрычніка. З залы суда яны выйшлі на волю.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера