У Шклове п'яны бяспраўнік з 4-гадовай дачкой спрабаваў з'ехаць ад ДАІ ВІДЭА

Увечары 18 кастрычніка супрацоўнікі ДАІ Шклоўскага РАУС атрымалі інфармацыю, што аўтамабілем Volkswagen Passat кіруе нецвярозы кіроўца.

Праз 20 хвілін супрацоўнікі міліцыі прыбылі да згаданага месца і запатрабавалі кіроўцу спыніцца. Мужчына паспрабаваў з'ехаць. Павярнуўшы ў мясцовы праезд аднаго з двароў па вуліцы Энтузіястаў, ён упёрся ў тупік. Спроба з'ехаць з месца здарэння не ўдалася, кіроўцу затрымалі.

34-гадовы кіроўца Volkswagen знаходзіўся за рулём у нецвярозым стане. З ім у салоне аўтамабіля знаходзілася яго 4-гадовая дачка. Раней мужчына за падобнае парушэнне прыцягваўся да адміністрацыйнай адказнасці і быў пазбаўлены правоў кіроўцы.

Суд прысудзіў кіроўцу 5 сутак адміністрацыйнага арышту.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0