Даслаць навіну
Знайсці
20.10.2020 / 20:00

Сустрэча з кіраўніком Фрунзенскага раёна скончылася скандалам РЭПАРТАЖ

Павялічыць

Каля 70 чалавек прыйшло ў будынак школы на Бірузова, каб пагаварыць з кіраўніком адміністрацыі раёна Сяргеем Шкрудневым. Сустрэча была анансаваная загадзя. Але чыноўнік заявіў, што праз каранавірус фармат змяніўся, цяпер гэта не сустрэча, а прыём. Гэта значыць, што Шкруднеў сядзе ў кабінеце і будзе запрашаць жыхароў па адным.

Людзей гэта абурыла: «Мы хочам чуць вашы адказы!»

Павялічыць

«Бачна, што вы не настроеныя на дыялог», — заявіў ім Шкруднеў. І прапанаваў: «Хай адзін заходзіць, пасля вам пераказвае!»

Людзі загулі: «Мы народ! Вы — наш слуга!»

«Халоп, атрымліваецца?» — скрывіўся чыноўнік. І кінуў тым, хто здымаў яго на мабільныя: «Не тыкайце мне гэтымі мыльніцамі!»

Павялічыць

Людзі вырашылі, што такія ўмовы ім не вельмі падыходзяць, большасць вырашыла байкатаваць фармат, на якім настаяў Шкруднеў.

«Ці ўсе заходзім, ці ніхто», — вырашылі людзі.

«Не трэба мне тут камандаваць!» — сказаў чыноўнік і зашыўся ў кабінеце.

Павялічыць

Павялічыць

Раззлаваныя людзі выйшлі ў фае, да чыноўніка зайшоў толькі адзін мужчына з пытаннямі пра спілаваныя дрэвы і «алканаўтаў».

Тым часам у фае намаляваліся двое міліцыянтаў. Па словах жыхароў, іх выклікала памочніца чыноўніка.

Павялічыць

Павялічыць

Абураныя людзі пачалі выказваць прэтэнзіі міліцыі.

Скарыстаўшыся момантам, карэспандэнт «Нашай Нівы» спытаў у памочніцы, навошта яна выклікала міліцыянтаў.

— Я нікога не выклікала, — адказала жанчына.

— А як вас завуць?

— Гэта няважна.

У выніку большасць народу проста сышла, абураная «прыёмам». Засталося з дзясятак чалавек і работніцы школы, якія ў адказ на пытанні толькі паціскалі плячыма: маўляў, актавая зала і спартзала занятыя, што мы можам зрабіць? Заўсёды ў людзей вінаватая школа!

Павялічыць

Засталася бадзяцца па пустым фае і парачка міліцыянтаў.

Адзін з жыхароў зайшоў да чыноўніка і нагадаў яму: «Лукашэнка ж казаў, што віруса няма. Чаму тады нельга сабрацца і выслухаць людзей?

Чыноўнік прадказальна адказаў: «Гэта меры прафілактыкі, мы абмежаваныя ў правядзенні масавых збораў».

Павялічыць

Мужчына падняў пытанне непрынятых подпісаў за Бабарыку і Цапкалу. Шкруднеў паведаміў, што пытанне не да яго. «Я крэпкі гаспадарнік, а не палітык», — адказаў чыноўнік.

Тады той жа мужчына спытаў: «Як вы ставіцеся да таго, што па раёне бегаюць людзі ў чорным без апазнавальных знакаў і хапаюць усіх, каго захочуць? Хто яны?»

«Яны вас крыўдзяць? — спытаў Шкруднеў. — Магчыма, іх унутранымі дакументамі гэта рэгулюецца. Гэта аператыўныя службы, я мяркую, якія абараняюць грамадзян».

«Дзякуй ім, што мяне абаранілі ад мяне», — пракаментаваў іншы жыхар, той самы, які калісьці быў прызнаны на судзе вінаватым, бо меў дамову з адвакатам, адпаведна рыхтаваўся да правапарушэння.

Зайшла размова і пра выбары.

«На Каменнай Горцы са мной не размаўляюць, бо ў іх навязлівая ідэя, што выбары не сапраўдныя… А для мяне доказ сапраўднасці выбараў — паведамленне ЦВК», — паведаміў Шкруднеў.

Што тут дадаць.

Павялічыць

Улад Швядовіч, фоты Надзеі Бужан

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30