Карпянкоў: Гэта вы фашысты, а не мы фашысты
Пра гэта заявіў кіраўнік ГУБАЗіКа Мікалай Карпянкоў у «Галоўным эфіры» тэлеканала «Беларусь-1».
«Мы не дадзім ім разбурыць краіну. Мы, вядома ж, гуманна ужывём зброю ў адносінах да іх, у тым ліку і агнястрэльную. І самых небяспечных «востракапытных» мы з вуліц прыбяром. Ні за кім з простых людзей ніхто не бегае. Вядзецца назіранне, ідэнтыфікацыя асоб, многія асобы ўжо сябе праявілі на барыкадах 9-га чысла. Ідзе працэс на выманне іх з натоўпу. Але яны спецыяльна прыкрываюцца грамадзянамі, якія ёсць у натоўпе… Мы праяўляем гуманізм.
Гэта вы фашысты, а не мы фашысты.
Таму, калі дзесьці адбываецца затрыманне і яно здаецца з боку вельмі жорсткім, насамрэч гэта не так. Супрацоўнікі вымушаныя ўжываць сілу. Але яшчэ па-сапраўднаму сілу мы ні да каго не ўжывалі», — сказаў Карпянкоў.
