Даслаць навіну
Знайсці
15.10.2020 / 22:27 40

Начальнік міліцыі Мінска: Уся мінская міліцыя супраць гвалту

«Мы ўсяго толькі спыняем супрацьпраўныя дзеянні, — заявіў начальнік мінскай міліцыі Іван Кубракоў. — Калі грамадзяне перастануць выходзіць на вуліцы і парушаць закон, «тады не будзе ні прымянення фізічнай сілы, ні падстаў для прымянення спецсродкаў».

Прыкладна 50-60% затрыманых падчас вулічных акцый «правакатараў» раней ужо былі судзімыя. Такія лічбы ў праграме «Маркаў. Нічога асабістага» на АНТ прывёў Іван Кубракоў.

Павялічыць

Фота Надзеі Бужан

«Калі казаць пра агульную колькасць затрыманых за ўдзел у несанкцыянаваных масавых мерапрыемствах, то раней судзімых дзесьці 15%. Калі казаць пра тую групу, якая правакуе і здзяйсняе злачынствы, то іх дзесьці 50-60%», — адзначыў Іван Кубракоў.

Начальнік сталічнай міліцыі таксама запэўнівае, што некаторыя затрыманыя прызнаюцца ў атрыманні грошай за ўдзел у акцыі.

«Але канкрэтыку я цяпер сказаць не магу, таму што ідзе расследаванне, праверка некаторай інфармацыі. Але такія факты, што гэтыя пратэсты аплачваюцца, сапраўды ёсць», — заявіў Іван Кубракоў.

«Недзяржаўныя СМІ, тэлеграм-каналы паведамляюць толькі тое, што ім выгадна, спрабуюць прадставіць супрацоўнікаў органаў унутраных спраў той сілай, якая праяўляе жорсткасць пэўную і гэтак далей», — сказаў Кубракоў.

Кубракоў адзначыў: «Дык вось, я хачу з упэўненасцю сказаць, усе органы ўнутраных спраў, уся мінская міліцыя супраць гвалту. Мы ўсяго толькі спыняем супрацьпраўныя дзеянні».

Начальнік мінскай міліцыі заявіў, што калі грамадзяне перастануць выходзіць на вуліцы і парушаць закон, «тады не будзе ні прымянення фізічнай сілы, ні падстаў для прымянення спецсродкаў».

Пратэсты ў Беларусі пачаліся пасля выбараў 9 жніўня, якія многія лічаць татальна сфальсіфікаванымі. Людзі лічаць супрацоўнікаў міліцыі датычнымі да фальсіфікацый, таму што менавіта яны выдалялі і затрымлівалі незалежных назіральнікаў, а таксама жорстка разганялі людзей, якія чакалі вынікаў падліку галасоў ля выбарчых участкаў. Менавіта пасля гэтага людзі масава выйшлі на вуліцы.

Пратэсты сталі асабліва масавымі, на вуліцы сталі выходзіць сотні тысяч людзей, пасля таго як чатыры дэманстранты загінулі і з'явіліся сотні сведчанняў пра зверскае збіццё людзей у аўтазаках, РУУСах і на Акрэсціна.

NN.by

Хочаш падзяліцца важнай інфармацыяй
ананімна і канфідэнцыйна?

0
Андрюха Горец (Беларусь Витебск ) / адказаць
16.10.2020 / 17:57
Вся Минская милиция конечно против Насилия - НО  По СВОЕМУ !  Знаете что такое Гестаповский Покер ?! Обьясняю ..  Допустим Гестаповец садиться играть в Покер с заключённым и кладёт на стол - свой парабеллум .. Что будет козырем . решает Гестаповец и смотрит на парабеллум !. Кто ходит первым - решает Гестаповец  и поглядывает на парабеллум ..  И при этом Гестаповец  глядя в глаза заключённому - Честно и Искренне говорит о том что он Всей Душой против насилия !!!  И в конце этой *Честной Игры * - кто выиграл а кто проиграл так же решает Сам гестаповец. уже поглаживая ладонью свой парабеллум !
1
HENRIK KWINTA / адказаць
16.10.2020 / 19:15
У весь Свет гэта добра бачыць:як вы лагодна і з "любовью" калечыце людзей,з якой ласкай і дабратой распыльваеце газ і кідаеце гранты у пенсіянераў.ВЫ ВЕЛЬМІ "ДОБРЫЯ" ХЛОПЦЫ ТОЛЬКІ САМІ НЕ ВЕДАЕЦЕ ПРА СВАЮ "ДАБРАТУ" Суд па сапраўднаму ацэніць ваш "гуманізм і дабрату".
0
Эхо / адказаць
16.10.2020 / 21:32
[Рэд. Выдалена]
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
верасень кастрычнік лістапад
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31