Мінчук, што выкінуў дзіця і сабаку з 24-га паверха, у дзень трагедыі быў моцна п'яны
Жыхар Мінска, што выкінуў з вышыні 24-га паверха сабаку і ўласную дачку, а затым скончыў жыццё самагубствам, у дзень трагедыі быў моцна п'яны. Пра гэта ў эфіры «Радыё-Мінск» распавяла афіцыйны прадстаўнік Следчага камітэта Юлія Ганчарова.
Чытайце таксама: Мінчук выкінуў з 24 паверха дачку з сабакам, а пасля выкінуўся сам
Нагадаем, інцыдэнт здарыўся 30 чэрвеня на вуліцы Грыбаедава. У двары дома знайшлі целы дзіцяці і мужчыны з прыкметамі падзення з вышыні. Тут жа знайшлі і сабаку без прыкмет жыцця.
Высветлілася, што 33-гадовы мінчук знаходзіўся дома са сваёй малалетняй дачкой. У нейкі момант ён сабраў рэчы сваёй былой сужыцелькі і падпаліў іх у ванным пакоі, а пасля гэтага ўзяў сваю васьмімесячную дачку і сабаку пароды той-тэр'ер і накіраваўся на агульны балкон 24-га паверха. Спачатку мужчына скінуў з балкона хатнюю жывёлу, потым дачку, а пасля скокнуў сам.
Судова-медыцынская экспертыза ўстанавіла, што ў момант здарэння мінчук быў моцна п'яны (узровень алкаголю ў крыві складаў 2 праміле). Згодна з заключэннем пасмяротнай псіхолага-псіхіятрычнай экспертызы, у мужчыны не было псіхічных парушэнняў, аднак у перыяд да смерці ён адчуваў выяўленае эмацыянальнае напружанне, абумоўленае ўнутрыасабовым канфліктам.
