Знайсці
15.10.2020 / 15:039РусŁacБел

Заснавальнік Maps.me Юрый Мельнічак рэзка адказаў на прапанову звярнуцца да Лукашэнкі

Кіраўнік Bulba Ventures, заснавальнік Maps.me Юрый Мельнічак рэзка адказаў на прапанову разработчыка Канстанціна Канопкі, які заклікаў вядомых прадстаўнікоў ІТ-сектара, у прыватнасці Аркадзя Добкіна, Віктара Пракапеню, Віктара Кіслага, Юрыя і Дзмітрыя Гурскіх і іншых, дамагчыся сустрэчы з Аляксандрам Лукашэнкам і «паспрабаваць пераканаць яго спыніць гвалт».

«Бандыты ў масках і АМАП на вуліцах нашых гарадоў збіваюць бяззбройных людзей: нашых сяброў і калег, мірных пратэстоўцаў, падлеткаў і пенсіянераў. Пра які зварот да Лукашэнкі можа наогул ісці гаворка ў гэтай сітуацыі?! Папрасіць цара-бацюшку біць не так моцна?! Гэта стакгольмскі сіндром. Нармальная рэакцыя на гвалт — бі або бяжы.

Беларусы абралі сваім прэзідэнтам Святлану Ціханоўскую. Памагатыя дыктатуры скралі нашы галасы і спрабуюць забраць нашы грамадзянскія правы. Міліцыя замест таго, каб абараняць людзей, іх жорстка збівае. КДБ і СК замест абароны інтарэсаў свайго народа і пошуку злачынцаў, ладзяць палітычныя рэпрэсіі. У гэтай сітуацыі, я лічу, што перамовы з Лукашэнкам магчымыя толькі пасля спынення гвалту і запуску трансферу ўлады. Дарэчы, а хто-небудзь з вашага спіса яшчэ знаходзіцца ў Беларусі?» — напісаў Юрый Мельнічак у сваім фэйсбуку.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера