Даслаць навіну
Знайсці
15.10.2020 / 13:38 1

В.а. міністра здароўя пра каранавірус: Мы чакаем, што сітуацыя будзе складанай

Пра гэта заявіў падчас сустрэчы са студэнтамі Беларускага дзяржаўнага медыцынскага ўніверсітэта в.а. міністра аховы здароўя Дзмітрый Піневіч, піша БелТА.

Улетку захворванне на COVID-19 знізілася, зараз наступіла так званая новая хваля. «Штам будзе пандэмічны паўтара года.

Мы пра яго забудзем як пра пандэмічны толькі бліжэй да лета наступнага года», — сказаў Дзмітрый Піневіч.

Паводле яго слоў, вірус знізіў сваю вірулентнасць. Тым не менш ён па-ранейшаму ўяўляе асаблівую небяспеку для людзей сталага ўзросту. Заўважана таксама, што ў цэлым пацыенты сталі маладзейшымі.

Узровень захворвання цяпер прыкладна ў два разы ніжэйшы за вясновы перыяд [па стане на 15 кастрычніка — 613 выпадкаў, максімум вясной быў 29 красавіка — 973, затым больш за 900 выпадкаў фіксавалася, паводле звестак Мінздароўя, з 6 па 26 мая — НН].

Гэта тычыцца і колькасці шпіталізаваных. Пачалася праца па перапрафіляванні ложкавага фонду на прыём кавідных пацыентаў.

«Мы чакаем, што сітуацыя будзе складанай. Але мяркуем, што тыя стандарты лячэння, якія былі выпрацаваныя яшчэ вясной, дазволяць прайсці гэтую сітуацыю», — адзначыў Д.Піневіч.

Ён дадаў, што ў краіну паступілі нізкамалекулярныя гепарын і прэпарат рэмдэсівір, якія выкарыстоўваюцца для лячэння пацыентаў з COVID-19.

Па словах Дзмітрыя Піневіча, рэакцыя чалавечага арганізма на каранавірус адназначна адрозніваецца ад уплыву сезоннага грыпу. Многія са студэнтаў, хто быў у рэанімацыі, гэта бачылі. Але паралізаваць цяпер усе сферы жыцця, у тым ліку працэс навучання, будзе глыбокай памылкай, упэўнены ён.

1
Кругом работающие пенсионеры / адказаць
15.10.2020 / 14:57
Не ужели. Раньше это психоз, Вы его видите. В баню и в трактор. Запустили, замолчали?! Теперь попробуй, поезд догони. Сколько наших налогоплательщиков денег потратите?!
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
верасень кастрычнік лістапад
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31