Даслаць навіну
Знайсці
14.10.2020 / 14:26 7

Памятаеце бабулю, якая эмацыйна зачытала верш на маршы пенсіянераў? Даведаліся яе гісторыю

Памятаеце бабулю, якая на маршы пенсіянераў эмацыйна зачытала верш на памяць? Сярод суседзяў яна амаль легенда — у свае 76 гадоў адбівала хлопцаў у амапаўцаў і сама апынулася ў аўтазаку. «Наша Ніва» пазнаёмілася з ёй бліжэй.

Завуць яе Галіна Аляксандраўна. Яна канструктар па адукацыі. Вучылася ва Украіне, а па размеркаванні патрапіла ва Узбекістан. 10 год пражыла ў Бухары, дзе выйшла замуж. А пасля моцнага землятрусу ў 1976 годзе вярнулася на радзіму ў Беларусь. Кім толькі тут яна не працавала — і даяркай, і бухгалтарам.

Цяпер у яе двое дзяцей, шасцёра ўнукаў, два праўнукі. І актыўная грамадзянская пазіцыя.

Увечары 10 жніўня жанчына выйшла на прабежку на стадыён. Там было ўсяго некалькі чалавек — хто шпацыраваў, хто ў футбол гуляў. Раптам прыехала міліцыя. У аддзяленні пасля казалі, што ім паступіў званок: збіраецца мітынг. Людзі ў чорным схапілі аднаго хлопца (Галіна Аляксандраўна лічыць, што на яго палявалі, бо той быў назіральнікам на выбарах). Мужчыны пачалі за яго заступацца — забралі і іх. Пенсіянерка не змагла змаўчаць.

«Куды іх? За што?» — пыталася яна ў міліцыі, а пасля зайшла з усімі ў аўтазак. 

«Страху не было. Бо я ў той час думала, што мужчын павалакуць і будуць біць па дарозе. А раптам на гэтым месцы быў бы мой сын ці ўнук? Вырашыла, што, можа, пры мне не будуць калаціць. І сапраўды — не чапалі», — успамінае Галіна Аляксандраўна.

З аддзялення міліцыі жанчына патэлефанавала дачцэ. Тая прыехала пад сцены ўчастка, але пачула ад супрацоўнікаў: не чакайце, яна тут да раніцы. Праўда, аб 11-й вечара Галіну Аляксандраўну пагадзіліся адпусціць. Яе тэлефон разрадзіўся, таму давялося чакаць яшчэ дзве гадзіны, пакуль у аддзяленні знойдуць нумар дачкі. Пасля пенсіянерка даведалася, што мужчынам, затрыманым на стадыёне, далі па 15 сутак.

У яе таксама быў суд — абвінавачвалі ва ўдзеле ў несанкцыянаваным мітынгу «наконт абмеркавання выбараў».

«Я казала суддзі, што мне не трэба было нічога абмяркоўваць. На маім участку ўсё добра: 25% за Лукашэнку, 56% — за Ціханоўскую. Я была задаволена гэтым вынікам», — дзеліцца жанчына.

Суд ёй вынес папярэджанне. А Галіна Аляксандраўна пажадала на развітанне міліцыянту, які быў сведкам, больш ніколі не хлусіць.

Сама яна з 2001 годы хадзіла незалежнай назіральніцай на выбары. Збірала подпісы за Міхаіла Чыгіра, але той не прайшоў у кандыдаты, на наступных выбарах галасавала за Аляксандра Казуліна.

«Лічу, што чалавеку, які 26 год намі кіруе, пара на пенсію. Усё ж такі ўзрост. Трэба скасаваць з ім кантракт», — выказваецца яна пра дзейную ўладу.

Навіны Аляксандраўна чытае ў інтэрнэце. Там жа і верш знайшла — вельмі адгукнуўся. Выпісала сабе і стала вучыць на памяць.

«Я калі гляджу трансляцыю нядзельных маршаў, як людзям даводзіцца ўцякаць, то разумею, што здароўя няма на іх ісці. А на маршы пенсіянераў можна прагуляцца, там невялікая адлегласць.

Дзеці, канечне, хвалююцца, але бабуля не падпарадкоўваецца ім, — смяецца Галіна Аляксандраўна. — Я самастойная асоба!»

Наталля Лубнеўская

Хочаш падзяліцца важнай інфармацыяй
ананімна і канфідэнцыйна?

51
per aspera! / адказаць
14.10.2020 / 22:17
Такія жанчыны, як спадарыня Галіна - нашы сапрау́дныя легенды. Дзякуй за "Гімн пенсіянерау́" выканау́цы і ау́тарцы.
11
Ойген / адказаць
16.10.2020 / 14:15
Адна з мазаічын пазлу "Лукашэску"
4
Беларусы ўсіх краін яднайцеся / адказаць
17.10.2020 / 16:00
https://vk.com/video-110501497_456240922 Гимн пенсионеров   В мои блеклые старушечьи глаза, Смотрите сквозь щели балаклавы. По моей щеке бежит слеза, Совесть больше вам не по уставу. Жертвы лживой пропаганды и морали - Вот, кто вы на самом деле есть. Вы забыли, стёрли, растоптали, Совесть, мужество, достоинство и честь. Нам не платят, это вас купили, Продались прогнившей алчной власти. Вы дубинками страну свою избили, Но народ наш страху не подвластен. Я за правду получу дубинкой по скрипучим, Старческим суставам. Разойдитесь, нечисть в балаклавах, Я гуляю, я имею право!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
верасень кастрычнік лістапад
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31