Даслаць навіну
Знайсці
13.10.2020 / 22:26 6

Палітычная зняволеная замалявала дэталі побыту ў баранавіцкім ізалятары №6 ФОТЫ

Выпускніца мастацкай вучэльні Вікторыя Багдановіч атрымала 15 сутак за ўдзел у адным з жаночых маршаў. 

Яна некалькі дзён пабыла на Акрэсціна, а потым сядзела ў Баранавічах. 

У камеры ў яе аказаўся набор для малявання, яна занатавала тое-сеё і вырашыла апублікаваць некаторыя карцінкі ў «Нашай Ніве». Прыводзім з каментарыямі. 

Павялічыць

«Адзінае, што мне далі ў камеру з маіх асабістых рэчаў, гэта букет валошак, які шалёны мужык у балаклаве шпульнуў у мяне, пакуль я стаяла у «стакане». Калі нас вялі ў камеру, іншы супрацоўнік, назваўшы маё прозвішча — Багдановіч, — сказаў, што яно вельмі сімвалічнае. Не магла не сказаць яму пра «Цвяток Радзімы васілька». А ў камеры было неверагоднае спалучэнне колераў: сінія валошкі, ложкі, і валасы сукамерніцы Светы. Валошкі цвілі і распускаліся 5 дзён, і трывалі б далей, калі б у Баранавічах іх не адабралі».

Павялічыць

«Першы момант, калі стала дакладна не смешна. Увечары нас з РАУСа павезлі на Акрэсціна, як звычайна, у бус пхалі больш людзей, чым патрэбна. А калі прыехалі, мы проста бясконца стаялі тварам да сцяны. Яны прывозілі новых дзяўчат з іншых РАУСаў, і іх чамусьці запускалі хутчэй. На нас лаяліся, прамывалі мазгі, прыніжалі. Але мы ўсе адно спрабавалі з імі размаўляць, жартавалі, падтрымлівалі адно аднаго. Я нават спявала, праўда, мяне хутка заткнулі».

Павялічыць

«Неперадавальнае пачуццё, калі на брутальных, аблезлых, шурпатых, металічных рашотках сушацца дзявочыя карункавыя майткі. А потым прыходзіць «Начальнік».

Павялічыць

«Праз тое, што дагістарычная каналізацыя не ўтрымлівала напору матылькоў, каторыя вылятаюць з жывоцікаў 17 дзяўчынак, нам неаднаразова прыходзілася прасіць «начальнікаў» прыносіць нам вантуз. А яшчэ ў нас быў абрад: кожная дзяўчынка, калі «адкідваецца», павінна памыць прыбіральню зубной шчоткай».

Павялічыць

«Не ведаю, што тут напісаць. Аголеныя распараныя дзяўчынкі ў інтэр'еры не колеру хлебнага мякіша, гэта, па-першае, прыгожа».

Павялічыць

«Трохвугольная камера ў куце бясконца сачыла за намі, я адчувала сябе малпай у заапарку, альбо ўдзельніцай вельмі таннага трэшовага ток-шоу. Супрацоўнікі пастаянна казалі, што ім цікава і смешна на нас глядзець».

Павялічыць

«Прысвячаю гэтую выяву усім адэкватным супрацоўнікам ІЧУ і ДВП».

Павялічыць

«У нас атрымаўся нядрэнны матрыярхат. Мы распрацавалі сістэму сарціроўкі перадач, у нас усё было агульным. Нават паход ў душ быў агульным. І гель для душа, бо ў кагосьці быў смачнейшы пах. Таксама былі моманты, калі я адчувала сябе бы ў дзявочым лагеры». 

NN.by

Хочаш падзяліцца важнай інфармацыяй
ананімна і канфідэнцыйна?

3
даведка / адказаць
14.10.2020 / 11:17
В армии канализация как-то выдерживала бабочек из животиков 60 солдат, а у них 17 — не выдержала. )) 
1
Devis / адказаць
14.10.2020 / 14:20
мы были в это время напротив, в 105 камере. И знали что вы, невероятные, сидите рядом, что вас 17, и часто слышали ваш звонкий смех. А когда вы передали нам книги, в которые были спрятаны разные нужные штуки, прыгали от радости. Но самое яркое впечатление было, когда между строк одной из книг нашли ваши послания. Мы перечитывали их каждый вечер, это очень поддерживало...
0
Казік / адказаць
14.10.2020 / 16:54
M.O., канешне ненармальна, але калі б вы трапілі за краты, то зразумелі б, што толькі такі настрой трымае на плаву.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
верасень кастрычнік лістапад
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31