Ватыкан «не вельмі спадзяецца», што мітрапаліт Кандрусевіч вернецца ў Беларусь

Па словах высокапастаўленага дыпламата Ватыкана, брытанскага арцыбіскупа Пола Галахера, мітрапаліт Тадэвуш Кандрусевіч у найбліжэйшы час наўрад ці вернецца ў Беларусь, паведамляе каталіцкае выданне Cruxnow.

«Мы спрабавалі даказаць, што ў інтарэсах усіх, касцёла і дзяржавы, каб яму было дазволена вярнуцца ў краіну», — сказаў брытанскі арцыбіскуп Пол Галахер.

Галахер сказаў, што абмежаванні, якія беларускія ўлады паспрабуюць накласці ў якасці ўмовы вяртання 74-гадовага арцыбіскупа, які пражывае цяпер у Польшчы, наўрад ці будуць прымальнымі.

На пытанне, ці можа Кандрусевіч стаць «біскупам у выгнанні», як Іосіф Сліпый, які кіраваў Украінскай грэка-каталіцкай царквой з Рыма з 1963 года да 1984 года, Галахер адказаў: «Гэтага нельга выключаць».

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0