На палігоне пад Асіповічамі прайшлі выпрабаванні рэактыўнай сістэмы «Шквал» ВІДЭА
На Асіповіцкім палігоне паспяхова прайшоў выпрабаванні доследны ўзор Баявой машыны рэактыўнай сістэмы залпавага агню «Шквал», створанай ААТ «ВолатАўта». Праверку прайшлі ўсе сістэмы баявой машыны, зададзеныя характарыстыкі пацверджаныя, паведамляе Мінабароны ў сваім тэлеграм-канале.
Баявая машына РСЗА калібра 122-мм «Шквал» абсталявана накіраванымі трубамі айчыннай вытворчасці і больш эфектыўнай аўтаматычнай сістэмай кіравання агнём, сістэмай спадарожнікавай навігацыі, метэастанцыяй, сучасным комплексам сувязі і перадачы звестак, аўтаматызаванай сістэмай навядзення для работы ў складзе групоўкі з атрыманнем цэлі, што значна памяншае часавы інтэрвал знаходжання баявой машыны на агнявой пазіцыі і павышае яе жывучасць ва ўмовах сучаснага бою, зазначае Мінабароны.
Рэактыўная сістэма зможа выкарыстаць не толькі ўсю лінейку боепрыпасаў, якія ўжываюцца рознымі мадыфікацыямі РСЗА «Град», але і 122-мм рэактыўныя снарады, мадэрнізаваныя на беларускім заводзе дакладнай электрамеханікі.