Памёр другі вакаліст гурта Neuro Dubel

Памёр другі вакаліст гурта NEURO DUBEL Юрый Навумаў — легендарны Паскуда, адзін з сімвалаў беларускага року 2000-х і 2010-х. Яму было 48 гадоў. Пра гэта паведамляюць яго сябры, піша «Еўрарадыё».

8 верасня Юрый трапіў у лякарню з падазрэннем на інсульт, у яго быў паралізаваны правы бок цела. Дактары высветлілі, што параліч стаў вынікам чэрапна-мазгавой траўмы.

Амаль тыдзень музыка змагаўся за жыццё, але 14 верасня яго не стала. Ён на два гады перажыў лідара NEURO DUBEL Аляксандра Кулінковіча, які памёр ад пнеўманіі ў жніўні 2018-га.

0

0

0

0

0

0