Знайсці
20.08.2020 / 16:031РусŁacБел

Ці мае сэнс інвеставаць у крыптавалюты ў 2020 годзе? Расказваем

2020 год прынёс шмат не самых пазітыўных падзей чалавецтву: пандэмія каранавіруснай інфекцыі прывяла да паўсюднага каранціну, закрыцця і банкруцтва многіх прадпрыемстваў сярэдняга і малога бізнэсу, выклікала абвал сусветных фінансавых рынкаў, што прывяло да крызісу, скарачэння працоўных месцаў і іншых негатыўных наступстваў.

Фота Goodfreephotos

Па прагнозах СААЗ і іншых медыцынскіх арганізацый, другая хваля распаўсюджвання віруса можа пачацца ў любы момант, да таго часу, пакуль не з'явіцца вакцына.

Акрамя распаўсюджвання небяспечнага віруса, на міжнароднай палітычнай арэне таксама хапае падзей, якія нясуць рызыкі для сусветнай стабільнасці і развіцця. Размова ў першую чаргу аб эканамічным супрацьстаянні Вашынгтона і Пекіна, а таксама аб хуткіх выбарах прэзідэнта ў ЗША. На мове эканамістаў гэта называецца няпэўнасці.

Фота Pixabay

Няпэўнасці заўсёды аказваюць ціск на сусветныя фінансавыя рынкі і могуць прынесці страты інвестарам. З гэтага ўзнікае цалкам лагічнае пытанне: а ці варта куды-небудзь інвеставаць у такі неспакойны час? Асабліва цікавы адказ на гэтае пытанне ўдзельнікам крыптавалютнай індустрыі або тым, хто разглядае яе ў якасці альтэрнатывы традыцыйным рынкам. Аналізуем разам з экспертамі першай рэгуляванай крыптаплатформы Currency.com.

2017—2019

Перыяд з 2017 па 2019 год можна назваць пераломным для крыптавалютнай індустрыі. За гэтыя два гады дэцэнтралізаваныя лічбавыя грошы прайшлі шлях ад жорсткай крытыкі да прыняцця і рэгулявання эканомікамі свету.

Канец 2017 года адзначыўся манументальным уздымам індустрыі, калі біткоін дасягнуў кошту ў $20000, а сумарная капіталізацыя рынку дасягнула практычна $1 трлн. Пасля такой падзеі ігнараваць развіццё новай эканамічнай мадэлі стала ўжо немагчыма. Нягледзячы на крытыку, што біткоін і іншыя крыптавалюты — гэта піраміда і нічым не забяспечаныя актывы, улады ЗША былі вымушаныя запусціць гандаль біткоін-ф'ючэрсамі на чыкагскай таварнай біржы.

Першапачаткова гэта падзея была ўспрынята крыптасупольнасцю пазітыўна, паколькі акрамя звычайных людзей і энтузіястаў на рынак прыйшлі інстытуцыйныя інвестары і вялікія грошы. Але адбылося адваротнае. Як пазней заявіў былы кіраўнік камісіі па тэрміновым біржавым гандлі (CFTC) Крыстафер Джанкарла, запуск біткоін-ф'ючэрсаў на CME — гэта мэтанакіраваная атака адміністрацыі Дональда Трампа, мэта якой — лопнуць сфармаваную бурбалку на крыптавалютным рынку.

На наступны дзень пасля запуску ф'ючэрсаў цана на біткоін стала рэзка зніжацца і ўжо праз паўтара месяца дасягнула $6000, а да канца 2018 года — $3150. За гэты час збанкрутавала велізарная колькасць крыптаэнтузіястаў, інвестараў, а таксама ICO-праектаў, у тым ліку з пэўным патэнцыялам.

У 2019 годзе вядучыя эканомікі і фінансавыя рынкі стала ліхаманіць. Мноства аналітыкаў і эканамістаў сыходзілася ў меркаванні, што набліжаецца глабальны фінансавы крызіс, які можа стаць мацнейшым, чым яго папярэднік 2008 года. У гэты самы момант інвестары ўспомнілі пра існаванне біткоіна, які вельмі моцна патаннеў у 2018 годзе і мог стаць выдатнай альтэрнатывай фондавым рынкам і нават золату як ахоўны актыў у перыяд глабальных эканамічных узрушэнняў.

Фота Pixabay

Чытайце таксама: Што рабіць, калі на рынках усё падае і надыходзіць крызіс?

На працягу 2019 года не змаўкалі размовы аб запуску крыптавалютнай платформы Bakkt для інстытуцыйных інвестараў ад аператара Нью-Ёркскай фондавай біржы (NYSE), а цяпер і Чыкагскай сыравіннай біржы (CME), а таксама запуску біткоін-ETF ад VanEck і SolidX. Нягледзячы на тое, што SEC (Камісія па каштоўных паперах і біржах ЗША) так і не дала дазвол на стварэнне ETF, а запуск Bakkt прывёў толькі да чарговага падзення курсу BTC, прыйшло ўсведамленне таго, што з крыптасветам лічацца і паступова рыхтуюць яго інтэграцыю ў традыцыйную эканоміку.

У 2019 годзе стала вядома аб распрацоўцы і пачатку тэставання Кітаем дзяржаўнай крыптавалюты, або CBDC (Central Bank Digital Currency), маштабнай эканамічнай сістэмы, якую шмат хто называе лічбавым юанем. Затым аб пачатку работы над уласнымі валютамі абвясцілі Вялікабрытанія, Германія, Францыя і шэраг іншых дзяржаў. У гэтым жа годзе стартавала больш глыбокае рэгуляванне рынку лічбавых актываў у многіх краінах свету. Аўстралія, Швейцарыя, Японія, Беларусь, а таксама шэраг іншых дзяржаў альбо распрацавалі законы з нуля, альбо дапрацавалі іх і сталі выдаваць ліцэнзіі на ажыццяўленне крыптавалютнай дзейнасці і абкладаць падаткамі даход ад лічбавых актываў.

2020 год

У 2020 годзе, праз некалькі гадоў пасля пераканання, што крыптавалюты хутка стануць толькі часткай гісторыі, яны актыўна ўкараняюцца ў сусветную фінансавую сістэму. Адбываецца зліццё лічбавай і традыцыйнай эканомікі з паступовым пераходам на лічбавую. Банкам ЗША дазваляюць аказваць кастадыяльныя паслугі з крыптавалютамі сваім кліентам. Аб'ёмы таргоў, пакупак і распаўсюджвання крыптавалюты ў свеце толькі павялічваюцца.

У гэтым жа годзе адбылася фундаментальная падзея ў жыцці біткоіна — халвінг. Халвінг — гэта зніжэнне ўзнагароджання майнерам за здабычу блока ў 2 разы.

Фота publicdomainpictures.net

Каб у сетцы біткоіна адбываліся пераводы (транзакцыі), неабходна здабываць спецыяльныя блокі, у якіх змяшчаецца ўся інфармацыі аб сетцы. У той жа самы час падобная структура абараняе сетку ад рознага роду нападаў.

Для здабычы блока патрабуецца спецыяльнае вылічальнае абсталяванне, якое спажывае вялікую колькасць электраэнергіі. За гэта майнеры атрымліваюць узнагароду ад сеткі, а разам з тым здабываюць новыя біткоіны, колькасць якіх ніколі не перавысіць 21 млн манет.

У 2020 годзе майнеры сталі атрымліваць у два разы менш узнагароддання за здабычу блока. Гэты дэфляцыйны пратакол быў закладзены яшчэ стваральнікам біткоіна ў 2008 годзе. Кожныя 4 гады здабываць біткоін усё складаней і складаней, паколькі колькасць карыстальнікаў расце, патрабуецца больш вылічальных магутнасцяў, а выпуск біткоінаў на рынак зніжаецца, ствараючы каласальны дэфіцыт. Дэфіцыт правакуе попыт, а попыт дэфіцытнага актыву правакуе рост яго кошту. Матэматыка простая, ці галоўны рынкавы закон у дзеянні. Традыцыйна ўжо праз паўгода пасля халвінгу біткоін пачынае расці, дасягае папярэдняга максімуму ў цане, праз 1,5—2 года —новага гістарычнага максімуму.

У 2021—2022 годзе, на думку большасці ўдзельнікаў крыптавупольнасці, кошт галоўнай крыптавалюты вырасце мінімум да $50000.

Што ж тычыцца іншых крыптавалют, тут, мабыць, варта звярнуць увагу на развіццё напрамку DeFi, або дэцэнтралізаваныя фінансы, у якіх прамую ролю адыгрывае крыптавалюта Ethereum.

Фота Flickr

Эфір знайшоў сабе рэальнае прымяненне ў свеце лічбавай эканомікі ўжо двойчы:

1. Рынак ICO паказаў, што акцыі кампаній могуць быць не толькі папяровымі, але і такенізаванымі на блокчэйне Ethereum. Дарэчы, дзякуючы стварэнню заканадаўства аб развіцці лічбавай эканомікі ў Беларусі і запуску першай рэгуляванай крыптаплатформы Currency.com у інвестараў з'явілася магчымасць інвеставаць у акцыі найбуйнейшых сусветных карпарацый, індэксы, сыравінныя тавары і іншыя аналагічныя актывы ў такенізаваным выглядзе. Прасцей кажучы, купляючы такенізаваную акцыю якой-небудзь кампаніі, вы не становіцеся трымальнікам самой акцыі, але атрымліваеце ўсе перавагі валодання акцыяй (можаце атрымліваць прыбытак ад валодання ёй, дывідэнды). Няма неабходнасці звяртацца да брокераў, каб інвеставаць і валодаць акцыямі кампаній або баралем нафты. Для інвеставання ў такі актыў дастаткова зайсці на Currency.com і набыць токен, які вас цікавціь. Гэта стала магчымым дзякуючы з'яўленню на свет такога праекта, як Ethereum.

Фота piqsels.com

2. Гучна шуміць сёння новы напрамак у крыптавалютнай індустрыі пад назвай DeFi, або дэцэнтралізаваныя фінансы. Зараз, каб атрымаць крэдыт або пакласці грошы пад дэпазіт, зусім не абавязкова звяртацца ў банк, які прапануе не самыя лепшыя ўмовы і можа пазбавіцца ліцэнзіі. Вы можаце ўзяць пазыку ў іншага ўдзельніка крыптарынка ці кампаніі, пакінуўшы пад заклад крыптавалюту. Ніхто не нясе практычна ніякіх рызык. Увесь працэс узаемадзеяння па захоўванні ажыццяўляецца з дапамогай смарт-кантрактаў, якія выключаюць магчымасць прадузятага стаўлення або махлярства з чыйго-небудзь боку. Прасцей кажучы, усе фінансавыя аперацыі дэцэнтралізаваныя і ніхто ні на каго не можа аказваць ніякага ціску ці мяняць умовы ў аднабаковым парадку. Усе гэтыя праекты і смарт-кантракты створаны на базе крыптавалюты і блокчэйна Ethereum.

Выснова бачыцца простай. Крыптавалютная індустрыя ўжо стала часткай сусветнай фінансавай сістэмы і эканомікі. Наперадзе чакаецца развіццё, а там, дзе развіццё, там і рост.

Зразумела, гаворка ідзе аб доўгатэрміновым росце, але што тычыцца пытання аб інвестыцыях непасрэдна ў 2020 годзе, то можна сказаць наступнае:

2020 можа стаць добрым годам для інвестыцый у крыптавалюты, напярэдадні новага вітка развіцця не толькі лічбавай індустрыі, але і сусветнай фінансавай сістэмы ў прынцыпе. Аднак памятайце, што інвестыцыйная дзейнасць з токенамі спалучаная з высокімі рызыкамі страты капіталу.

Купіць такенізаваныя акцыі сёння досыць лёгка можа любы ахвотны наўпрост на рэгуляванай крыптаплатформе Currency.com, якая прапануе сваім кліентам больш за 1500 розных актываў. На платформе прадстаўлены вядучыя па капіталізацыі крыптавалюты, такенізаваныя акцыі найбуйнейшых у свеце карпарацый, фондавыя індэксы, сыравінныя тавары, ETF, валюты і аблігацыі.

Дадзены матэрыял не з'яўляецца фінансавай кансультацыяй.

Поспех папярэдніх інвестыцый не азначае поспех у будучыні.

Чытайце таксама: У што інвестуюць самыя багатыя людзі планеты — расказваем

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера