Хочаце зберагчы грошы ці нават падзарабіць на іх? Расказваем, як сфарміраваць прыбытковы партфель
Вывучаючы гісторыю глабальных крызісаў можна заўважыць пэўныя заканамернасці, якія адбываюцца пастаянна, незалежна ад таго, што стала прычынай спаду ў сусветнай эканоміцы. Будзь то палітычныя, эканамічныя або эпідэміялагічныя праблемы, іх уплыў адбіваецца працяглы адрэзак часу — ад года да двух гадоў. За гэты перыяд сусветныя фінансавыя рынкі, асабліва сектары, якія апынуліся на перадавой, зніжаюцца ад 2 да 4 раз, абнаўляючы цэнавы мінімум.
Няма ніякіх шанцаў, што пандэмія 2020 года і крызіс, што ідзе за ёй, скончацца за некалькі месяцаў, паколькі панесеныя страты ў першым паўгоддзі яшчэ толькі трэба будзе ацаніць у ліпені і жніўні.
Фота Надзеі Бужан
Што будзе ў ліпені — жніўні?
Пандэмія і абвал на фінансавых рынках адбываліся з канца лютага па сярэдзіну сакавіка, то-бок у канцы першага квартала 2020 года. Аднак асноўны і самы моцны ўдар прыйшоўся на другі квартал, асабліва на красавік і май.
Макраэканамічныя звесткі, такія як узровень беспрацоўя, запаволенне вытворчасці, ВУП і іншыя важныя паказчыкі, а таксама фінансавыя справаздачы найбуйнейшых кампаній за першы квартал былі дрэннымі. Цалкам лагічна, што звесткі за другі квартал будуць яшчэ горш і пакажуць рэальнае становішча спраў у сусветнай эканоміцы. Чаму?
Падзенне кошту нафты да адмоўнага кошту ў канцы красавіка, рэкордны рост узроўню беспрацоўя па ўсім свеце з-за каранціну, спыненне сярэдняга і малога прадпрымальніцтва, зніжэнне пакупніцкай здольнасці і велізарная колькасць іншых падзей не застануцца без наступстваў. Трыльёны даляраў страт, панесеных кампаніямі і дзяржавамі, адаб'юцца на катыроўках, але не на ўсіх.
Якія актывы не варта набываць у другую палову 2020 года і які партфель можа апынуцца прыбытковым, мы высвятлялі ў экспертаў крыптаплатформы Currency.com.
Якіх актываў лепш пазбягаць?
У першую чаргу ад пандэміі пацярпелі такія сектары эканомікі, як:
- Энергетыка: Exxon Mobil, Chevron, Schlumberger і іншыя.
- Фінансы і страхаванне: JP Morgan Chase, Goldman Sachs, Bank of America і іншыя.
- Турызм, перавозкі і лагістыка: Booking, Marriott, UPS, FedEx і іншыя.
- Вытворчасць: Coca-Cola, Philip Morris, Caterpillar, Ford, GM і іншыя.
- Рытэйл: Nike, Adidas, Walmart і іншыя.
Ланцуг падзей, які прывёў да праблем кампаній вышэй, лагічны. Увядзенне каранцінных мер прывяло да спыненню вытворчых прадпрыемстваў і кампаній, у якіх працуе вялікая колькасць людзей. Спыненне вытворчасці паўплывала на продажы тавараў і паслуг. А гэта прывяло да таго, што кампаніі зрэзалі закупку сыравіны і энергіі. Зніжэнне паставак сыравіны ў вытворчасць і транспарціроўка гатовага тавару ў рытэйл паўплывала на лагістычны сектар.
Рытэйл і турызм пакутуюць удвая мацней, паколькі пастаўшчыкі паслуг прыпыняюць дзейнасць з-за пералічаных вышэй праблем, а спажыўцы сядзяць на каранціне.
Фота Надзеі Бужан
Зніжэнне аб'ёму транзакцый, вяртанне крэдытаў і іншых фінансавых паслуг прыносіць банкаўскаму сектару страты. Наступ страхавых выпадкаў, напрыклад контрагенцкіх рызык, якія не адносяцца да форс-мажораў, нават калі наступілі з-за пандэміі, якая з'яўляецца форс-мажорнай акалічнасцю, змушае страхавыя кампаніі пакрываць страты кліентаў.
Вынік — цэлыя сектары эканомікі нясуць каласальныя страты, якія пакрываюцца за кошт неразмеркаванага прыбытку, танных крэдытаў і страхавых кампаній.
На наш погляд, няма ніводнага пазітыўнага фактару, які мог бы паўплываць на рост кошту акцый дадзеных кампаній у другой палове або нават у трэцім квартале 2020 года. Атрыманыя раны яны будуць залізваць не адзін дзень і нават не адзін месяц. Верагодней за ўсё, што аднаўленне гэтых сектараў адбудзецца не раней, чым у другой палове 2021 года.
Адпаведна, разглядаць іх у якасці актыву, які можна ўключаць у інвест-партфель, будзе дарэчы не раней за з'яўленне звестак і фінансавых справаздач за 4-ы квартал 2020 і 1-ы квартал 2021 года.
Чытайце таксама: Як пачаць карыстацца крыптаплатформай — вельмі падрабязная інструкцыя
Якія актывы можна ўключыць у партфель?
Найбольш правільным будзе сфармаваць дыверсіфікаваны партфель. Асноўная роля будзе адведзена ахоўным актывам, доля якіх складзе 60%, а таксама IT-сектару і трохі крыптавалютам — яшчэ 40%.
Ахоўныя актывы
1. Дзяржаўныя аблігацыі ЗША з тэрмінам пагашэння 20+ гадоў
Іх можна набыць з дапамогай такога інструмента, як iShares 20+ Years Treasury Bond. Доля ў партфелі можа быць 25%. Гэты інструмент з'яўляецца ETF, або гандлявым біржавым фондам, які складаецца з дзяржаўных аблігацый ЗША.
Нягледзячы на ўсе нашы пераплёты, амерыканская эканоміка яшчэ доўга будзе заставацца самай надзейнай і забяспечанай у свеце, што несумненна прыцягвае інвестараў укладваць у яе свае капіталы. Даўгавыя абавязацельствы з 20-гадовым тэрмінам пагашэння і вышэй маюць больш стабільную дынаміку ў рамках гэтага ETF дзякуючы размеркаванню рызык на больш працяглы перыяд часу. Самі па сабе аблігацыі з'яўляюцца безрызыкоўным актывам, паколькі гарантам выплаты інвестарам з'яўляецца сама дзяржава, у дадзеным выпадку ЗША.
2. Золата
Традыцыйны ахоўны актыў ад інфляцыі і рынкавых нявызначанасцяў, якіх з лішкам хапае. Рост інфляцыі і паслабленне даляра чакаецца ў другой палове 2020 года з-за выпуску на рынак трыльёнаў даляраў, нічым не забяспечаных грошай. Мэта ўлівання такіх капіталаў — падтрымка эканомік на фоне распаўсюджвання каранавіруснай інфекцыі. Доля ў партфелі можа быць 20%.
3. VanEck Vectors Gold Miners ETF
Яшчэ адзін ETF у нашым патэнцыйным партфелі, які ўключае ў сабе акцыі найбуйнейшых золатаздабывальных кампаній у свеце. На фоне росту кошту золата акцыі такіх кампаній становяцца больш прывабнымі, чым сам каштоўныя металы: золата расце толькі ў кошце, а акцыі здабываючых кампаній, карэлюючы з дынамікай золата, прыносяць яшчэ і прыбытак, а таксама дывідэнды. Адпаведна, дынаміка росту ETF можа быць мацнейшай за дынаміку золата. Аднак таксама гэта працуе і ў адваротны бок у выпадку падзення, таму доля ў партфелі дадзенага ETF можа не перавышаць 15%.
Рызыкоўныя актывы
1. Акцыі анлайн-рытэйлераў: Amazon, Alibaba, eBay або Vip Shop
Рызыкоўная палова партфеля можа шмат у чым складацца з акцый IT-кампаній, на паслугі якіх за час пандэміі шматкратна вырас попыт. Адсутнасць магчымасці хадзіць у крамы і гандлёвыя цэнтры вымусіла людзей перайсці ў анлайн-крамы, выручка якіх вырасла да гістарычна рэкордных значэнняў.
Паказальным з'яўляецца прыклад афлайн-крам брэнда Zara, выручка ў якіх упала, але на 95% вырасла выручка анлайн-продажаў. Фінансавыя справаздачы дадзеных кампаній былі вельмі пазітыўнымі пасля 1-га квартала 2020 года, яшчэ больш прыстойнымі будуць звесткі за 2-і квартал. Вы можаце купіць акцыі ўсіх пералічаных кампаній альбо абраць тыя, якія вам найбольш цікавыя. Галоўная ўмова — іх доля не павінна перавышаць 5% у вашым партфелі.
2. Акцыі сацыяльных сетак, месэнджараў і розных камунікацыйных сэрвісаў: Facebook, Snapchat або Zoom
Дзякуючы паслугам дадзеных кампаній, у асаблівасці Zoom, людзі заставаліся на сувязі і маглі практычна без якіх-небудзь праблем перайсці на аддаленую працу. За перыяд з пачатку пандэміі колькасць актыўных юзараў прыкметна вырасла, разам з выручкай і чыстым прыбыткам кампаній. Гэта безумоўна адаб'ецца на кошце іх акцый у найбліжэйшыя 1,5-2 месяцы. Доля гэтых актываў у партфелі таксама не павінна перавышаць 5%.
3. Акцыі кампаній, якія спецыялізуюцца на забаўляльным кантэнце: Netflix, Activision Blizzard, Electronic Arts або Disney
Яны дапамаглі людзям перачакаць каранцін, праводзячы час цікава і з камфортам. Нядзіўна, што дзякуючы дамаседству колькасць кліентаў і падпісчыкаў вырасла і прынесла дадатковы прыбытак. Фінансавая справаздачнасць за першы квартал прадстаўленых вышэй брэндаў была вельмі пазітыўная, і, на нашу думку, няма ніякіх перадумоваў для таго, каб звесткі за другі квартал аказаліся горшымі і тым больш дрэннымі. Доля ў партфелі можа не перавышаць 5%.
4. Акцыі іншых IT-гігантаў: Intel, Microsoft, Google, Apple, Tesla, Nvidia або AMD
Сучасны свет, які спазнаў падчас крызісу і пандэміі ўсю прывабнасць тэхналагічнага прагрэсу, немагчымы без паслуг і прадуктаў найбуйнейшых IT-карпарацый і вытворцаў рознага камп'ютэрнага абсталявання. Так ці інакш людзям прыходзілася ўсё часцей і ўсё больш выкарыстоўваць іх прадукты і паслугі, што станоўча адбілася на выручцы і прыбытку гэтых кампаній.
Акрамя таго, наяўнасць шматмільярднага неразмеркаванага прыбытку, рэзервовых сродкаў, а таксама практычна бязбольны перавод большай часткі супрацоўнікаў на аддаленую працу, дапамагла гігантам не толькі выстаяць у гэты складаны перыяд, але і практычна яго не заўважыць. Такая ўстойлівасць і стабільнасць станоўча адбіваецца на рэпутацыі кампаній і прыцягвае на іх бок яшчэ больш інвестараў, што прыводзіць да росту кошту акцый. Доля ў партфелі можа быць не больш за 5%.
5. Крыптавалюты Bitcoin і Ethereum — меркаваная доля 10%
На фоне ўсіх праблем у сусветнай фінансавай сістэме крыптавалюты становяцца самым прыдатным актывам ў плане захавання каштоўнасці. Цікавасць да лічбавых актываў расце штогод у геаметрычнай прагрэсіі, і гэты рост будзе працягвацца далей.
Асноўная прычына, якая прадказвае хуткі пачатак новай актыўнай фазы росту кошту біткоіна, — зніжэнне яго прапановы на рынку або дэфіцыт. Больш за 65% манет у звароце не рухаліся з месца ўжо больш за год, а з крыптабірж BTC выводзяць у рэкордных колькасцях.
Асноўная прычына, па якой крыптавалюту заводзяць на біржы, — гэта яе продажы. Вывад з біржаў азначае цікавасць да зберажэння. Халвінг (зніжэнне ўзнагароды майнерам ў два разы) толькі ўзмацніў нарастаючы дэфіцыт крыптавалюты. У выніку, усё паказвае на магчымую перспектыву росту кошту біткоіна, які можа пацягнуць за сабой астатні рынак і, зразумела, крыптавалюту Ethereum.
Заключэнне
Наш выніковы меркаваны партфель выглядае наступным чынам:
- iShares 20+ Years Treasury Bond — 25%.
- Золата — 20%.
- VanEck Vectors Gold Miners — 15%.
- Крыптавалюты Bitcoin / Ethereum — 10%.
- Акцыі Amazon / Alibaba / eBay / Vip Shop — 5%.
- Акцыі Facebook / Snapchat / Zoom — 5%.
- Акциыі Netflix / Activision Blizzard / Electronic Arts / Disney — 5%.
- Акцыі Intel / Microsoft / Google / Apple / Tesla / Nvidia / AMD — 5%.
Калі раптам вы лічыце партфель недастаткова абароненым, то замест аднаго з пунктаў акцый можаце аддаць 5% пад якую-небудзь валюту, напрыклад амерыканскі даляр, швейцарскі франк або японскую іену. Яны зробяць ваш партфель яшчэ больш збалансаваным і дыверсіфікаваным, што дапаможа пазбегнуць дадатковых рызык.
Каб набыць усе вышэйпералічаныя актывы, зусім неабавязкова быць мільянерам або бегаць па брокерскіх кампаніях, купляючы акцыі і ETF. Дастаткова зарэгістравацца на рэгуляванай беларускім заканадаўствам крыптабіржы Currency.com.
На платформе прадстаўлена больш за 1300 актываў, сярод якіх як топавыя крыптавалюты, так і акцыі, ETF, каштоўныя металы, сыравіна і іншыя актывы ў такенізіраваным выглядзе. Валодаючы нават невялікім капіталам, вы зможаце сфарміраваць аналагічны партфель і перачакаць новую хвалю крызісу, а магчыма, нават і зарабіць на гэтым.
І нагадваем, што інвестыцыі звязаныя з рызыкай страты ўсіх інвестыцый. Поспех мінулых інвестыцый не азначае поспех у будучыні.
А дадзены артыкул не з'яўляецца фінансавай кансультацыяй.
