Знайсці
21.01.2018 / 15:1017РусŁacБел

Дар'я Домрачава бліскуча выйграла мас-старт у Антхольцы!

biathlonworld.com

Беларуска Дар'я Домрачава выйграла гонку ў мас-старце на этапе Кубка свету па біятлоне, што завершыўся ў італьянскім Антхольцы.

Прычым да апошняга агнявога рубяжу яна ішла 10-й, але без промахаў адстраляла (Вірэр і Кузьміна прамахнуліся), пайшла першай на дыстанцыю — і ў выніку выйграла забег (вынік — 40 хвілін 23,29 секунды). Адставанне Кузьміной +11,9 секунды.

Ірына Крыўко фінішавала 12-й

Гэта чацверты подыум у сезоне 2017-2018 для беларускі і другая перамога: была таксама перамога ў аўстрыйскім Хахфілцэне ў спрынце. У гонцы пераследу ў Хахфілцэне Домрачава заняла трэцяе месца.

Нагадаем, што ўчора ў Антхольцы Дар'я заняла 3-е месца ў гонцы пераследу, саступіўшы срэбра Даратэі Вірэр, пасля таго як выпадкова наступіла ёй на палку.

Наперадзе — Алімпіяда ў Карэі (9—25 лютага). На мінулай Алімпіядзе ў Сочы Дар'я заваявала тры залатыя медалі.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера