Журналіста Ігара Карнея перавялі ў магілёўскае СІЗА
Паспелі аддаць перадачу.
Ігар Карней у зале суда. Скрыншот відэа
Журналіста Ігара Карнея па этапе адправілі з Мінскага СІЗА-1, што на вуліцы Валадарскага, у Магілёўскае СІЗА, піша Радыё Свабода.
На «Валадарцы» Ігар Карней прабыў больш за 8 месяцаў. Таксама сваячка журналіста пацвердзіла, што раней ён абскардзіў вынесены яму прысуд.
«Ігара сёння этапуюць у Магілёў, там будзе ўвесь час падчас апеляцыі. Настрой нармальны, учора быў адвакат. Сёння яшчэ паспелі перадаць невялікую перадачу», — паведаміла сваячка Ігара Карнея.
22 сакавіка Мінскі гарадскі суд прызнаў Ігара Карнея вінаватым паводле ч. 3 арт. 361-1 КК («Удзел у экстрэмісцкім фармаванні») і прысудзіў 3 гады зняволення і штраф у памеры 20 тысяч рублёў.
0
0
0
0
4
1
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера