У Мінскім раёне на прыбіранне камянёў з палёў мабілізавалі асуджаных на «хатнюю хімію»

Фото: pristalica.by

Беларусаў, якія адбываюць «хатнюю хімію», адправілі прыбіраць камяні з поля каля вёскі Марыпаль Самахвалавіцкага сельсавета, паведамляе pristalica.by.

Па словах начальніка крымінальна выканаўчай інспекцыі Мінскага РУУС Юліі Кульчыцкай, да працы прыцягваюць тых, у каго няма афіцыйнай працы. У іншыя поры года асуджаных адпраўляюць прыбіраць лісце, смецце або снег.

Усяго на полі ў гэты дзень працавалі 20 чалавек. Ці плацяць ім за працу, не паведамляецца.

Фота: pristalica.by

Пытанне аб шматлікасці камянёў на палях падняў Аляксандр Лукашэнка падчас нядаўняга візіту ў Гродзенскую вобласць. Ён нават пагражаў за гэта кіраўніку аблвыканкама Уладзіміру Караніку і свайму памочніку па вобласці Юрыю Караеву турмой.

Пасля ад'езду Лукашэнкі на ўборку камянёў на Гродзеншчыне масава мабілізавалі бюджэтнікаў, вучняў і студэнтаў.

Чытайце таксама:

«Муж убачыў, як праходзіць «хімія», і сказаў, у калоніі было прасцей». У якіх умовах адбываюць тэрміны «хатнія хімікі»

«Хатніх хімікаў» пачалі маніторыць праз сістэмы відэаназірання

Караніка і іншых вертыкальшчыкаў адправілі «ваяваць» пад Воранава ФОТЫ

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

1

3

1

0

1