Паўтары тысячы курцоў марыхуаны адсвяткавалі легалізацыю канабісу каля Брандэнбургскай брамы ў Берліне
Акцыю ахоўвалі паліцэйскія, якія перакрылі для руху аўтамабіляў некалькі вуліц.
Фота: AP Photo/Ebrahim Noroozi
Удзельнікі акцыі ў цэнтры сталіцы Нямеччыны ў ноч з нядзелі на панядзелак курылі марыхуану і танчылі пад рэгі. Сцэну, якую яны ўстанавілі, упрыгожваў метровы ліст канопляў, піша Bild.
Адзін з вядомых нямецкіх ютуб-блогераў Klimpel проста на акцыі прапаноўваў прысутным вызначыць змесціва ТГК у марыхуане з дапамогай спецыяльнай прылады.
Акцыю ахоўвалі паліцыянты, якія перакрылі для руху аўтамабіляў некалькі найбліжэйшых вуліц. Прысутныя разышліся самі праз некалькі гадзін.
Сёння ў Нямеччыне ўступае ў сілу закон аб легалізацыі канабісу для паўналетніх грамадзян. Такім чынам канабіс выключаць са спісу забароненых рэчываў у Законе аб наркотыках.
Чытайце таксама:
Як перавозіць у Беларусь лекі, каб не атрымаць за гэта крыміналку
«Усе пад кайфам». Пацукі з'елі рэчавыя доказы з марыхуанай у паліцэйскім упраўленні Новага Арлеана
У Грузіі затрымалі 10 чалавек за распаўсюд наркотыкаў. Сярод іх — грамадзяне Беларусі
