Рускі псеўданародны танец дзяўчатак з Оршы ўзарваў тыкток. Але вы не здагадаецеся, за што іх пачалі хэйціць

Першае відэа, якое завірусілася, набрала ажно 1,3 мільёна праглядаў. Дзяўчаткі з узорнай цыркавой студыі «Арэна» літаральна «выплылі» на сцэну ў строях, стылізаваных пад рускія народныя. Музыка таксама гучала адпаведная. Сакрэт плаўных рухаў аршанак у тым, што пад доўгімі сукенкамі былі схаваныя гіраскутары.

@nashaniva Відэа аршанскіх дзяўчатак паглядзелі больш за мільён разоў, але ў каментарах адзначыліся сотні абураных аматараў расійскай культуры #беларусь#орша#танец#belarus#гироскутер#нашаніва#беларусьновости#русскийтанец#новостибеларуси#акробатика♬ оригинальный звук Наша Ніва. Навіны

Менавіта сучасныя тэхналогіі і выклікалі шмат абурэння ў рускамоўных каментатараў: «Сапраўдны ансамбль і без гіраскутараў плыве», «Раней «Бярозка» танчыла на сваіх нагах. Не расчароўвайце!», «Прыгожа, але раней і без гіраскутараў так танчылі», «Ножкамі ўжо не танчым!», «Памятаю, як на дыбачках раней танчылі… Былі часы».

Здаецца, чалавек, які вядзе тыкток-акаўнт «Арэна», стаміўся тлумачыць кожнаму эксперту, што іх калектыў цыркавы, а не харэаграфічны. У наступным відэа бачна, што дзяўчаткі пазбаўляюцца доўгіх сукенак і пачынаюць выконваць на гіраскутарах розныя складаныя акрабатычныя элементы.

@vero_circus Ответ пользователю @kostikpekut ♬ оригинальный звук - "Арена"" Феерия "

Пасля гэтага ўсё ж з'явілася шмат пазітыўных каментарыяў, калі людзі захапляліся спрытам юных артыстак. Але ўсё адно знаходзіліся і тыя, хто незадаволена пытаў: «А танец дзе?».

Чытайце таксама:

Памятаеце хлопца, які праспяваў песню NaviBand і стаў зоркай тыктоку? Ён расказаў, як атрымаў прытулак у ЗША

«Эркюлі Пуаро з Першамайскага РУУС»: англамоўны стэндапер з Беларусі троліць міліцыю, дапамагаючы шукаць самога сябе

Хлопцы са Смілавіцкага каледжа са сталёвымі ружамі ўзарвалі тыкток

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

4

49

27

1

0

2