У Брэсце паставілі новы масленічны слуп замест зламанага
Пра тое, што замест струхлелага масленічнага слупа, які ў мінулыя выхадныя не вытрымаў вагі дзіцяці, якое караскалася па ім, паставілі новы, паведаміла прэс-служба Брэсцкага гарвыканкама.
«У Парку культуры і адпачынку ўсталяваны новы масленічны слуп вышынёй 7 метраў. Чакаем гасцей і жыхароў Брэста ў нядзелю 17 сакавіка на народным святочным гулянні «Бывай, Масленіца», — гаворыцца ў паведамленні.
Прычыну падзення ранейшага слупа ўлады бачылі ў вялікай актыўнасці гараджан, адзначыючы, што штогод перад правядзеннем Масленіцы «канструкцыя праходзіць выпрабаванні на трываласць і ўстойлівасць». У той жа час каментатары ў сацсетках адзначалі што слуп той быў нібыта вельмі даўні, ды і вонкава было відаць, што ён гнілы.
Чытайце таксама:
У брэсцкім парку ўпаў масленічны слуп у той момант, калі па ім караскалася дзіця
Патрыярх Кірыл не знайшоў сувязі паміж паяданнем бліноў і ўратаваннем душы
