Свята-Елізавецінскі манастыр правёў чарговы Z-канцэрт пад расійскімі трыкалорамі
Канцэрт «Сваіх не кідаем», які адбыўся ў духоўна-асветніцкім цэнтры «Каўчэг» пры манастыры, быў прымеркаваны да 23 лютага. Гэта было ўжо традыцыйнае для манастыра, які падтрымлівае расійскую агрэсію ва Украіне і дапамагае расійскім вайскоўцам, Z-мерапрыемства. Фотарэпартаж адтуль з’явіўся на сайце манастыра.
Удзельнікі канцэрта былі з расійскімі сцягамі, расійскай Z-сімволікай, георгіеўскімі стужкамі.
Дзеці, што выступалі, былі ў чырвона-зялёных гальштуках сучаснай беларускай піянерыі, а таксама савецкіх пілотках з зорачкамі.
Свята-Елізавецінскі манастыр вядомы сваімі прарасійскімі акцыямі і падтрымкай расійскай ваеннай агрэсіі. У мінулым годзе Свята-Елізавецінскі манастыр кожны месяц аплачваў аўтамабіль для расійскіх вайскоўцаў.
Святар Андрэй Лемяшонак называў расійскіх акупантаў мучанікамі, а свой манастыр — малітоўнай «крэпасцю» Русі.
Чытайце таксама:
