Спявачка Іна Афанасьева ледзь ачомалася пасля таго, як яе зваліў з ног нейкі вірус. І тое не да канца
Спявачка Іна Афанасьева расказала, што лекары цяпер вяртаюць яе да жыцця пасля цяжкай хваробы — невядомага і вельмі небяспечнага вірусу. Гэтым тлумачылася тое, што аж з апошняга дня мінулага года яна не выходзіла ў свае сацсеткі, піша «Комсомольская правда».
Фота з сацсеткі Іны Афанасьевай
Падхапіла небяспечны вірус спявачка ў Санкт-Пецярбургу, дзе мае бізнэс яе муж. Па яе словах, пад'язджала да гэтага горада Афанасьева ў самым выдатным настроі і здароўі, аднак хутка ўсё гэта памянялася.
Як кажа Афанасьева: калі яна толькі прыехала ў Санкт-Пецярбург, то ўжо стала адчуваць сябе нядобра. А тэмпература ўвогуле зашкальвала: 39,9. «Я ў думках развітвалася з гэтым светам», — так яна апісала свае тагачасныя адчуванні.
Фота з сацсеткі Іны Афанасьевай
У Расіі рады яе хваробе не далі, і ў нейкі момант яе муж, хоць і сам быў ужо нездаровы, экстранна павёз жонку ў Беларусь, дзе сітуацыя стала выпраўляцца. Хоць Афанасьева і цяпер яшчэ не ачуняла, але адчувае сябе ўжо крыху лепш.
«Дзякуй лекарам, якія вяртаюць мяне да жыцця. Вірусы, на жаль, нікуды не падзеліся, сябры. Хутчэй адбываецца іх трансфармацыя ў незразумела што. Адгадаць, што з табой адбудзецца пад іх уздзеяннем і як адрэагуе арганізм, — немагчыма. Так доўга я яшчэ ніколі не хварэла..», — піша спявачка ў сацсетцы.
Чытайце таксама:
Анжаліка Агурбаш прыйшла ў расійскае тэлешоу «Экстрасэнсы»
У некалькіх сібірскіх гарадах Расіі адмянілі канцэрты Крысціны Арбакайце
