166 пацярпелых. Выхавальнік дзіцячага садка ў Шуміліне абвінавачваецца ў гвалце

Пацярпелымі ад дзеянняў выхавальніка Шумілінскага дзіцячага садка №1, які неаднаразова здзяйсняў у дачыненні да малалетніх гвалтоўныя дзеянні сэксуальнага характару, прызнаныя 166 асоб, паведаміў генеральны пракурор Андрэй Швед у Палаце прадстаўнікоў на сумесным пасяджэнні дзвюх палат, піша БелТА.

Генпракурор паведаміў, што цяпер судом разглядаецца крымінальная справа ў дачыненні да выхавальніка Шумілінскага дзіцячага садка №1, які на працягу 16 гадоў, з 2007 года, неаднаразова здзяйсняў у дачыненні да малалетніх гвалтоўныя дзеянні сэксуальнага характару.

Мужчыну затрымалі ў лютым 2023 года. У яго знайшлі 400 Гб дзіцячай парнаграфіі, паведамляла МУС летась.

Таксама, дадаў Швед, расследуецца крымінальная справа па факце бяздзейнасці ў дачыненні да загадчыцы дзіцячага садка, якая ігнаравала падазрэнні бацькоў.

Чытайце таксама:

У Магілёве раскрылі рэзананснае забойства 11-гадовай дзяўчынкі, што адбылося 25 гадоў таму

У Ленінградскай вобласці 25-гадовая настаўніца закруціла раман з 11-гадовым школьнікам. Яе арыштавалі

У Магілёве затрымалі 35-гадовага педафіла

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

4

5

2

8

6

57