У Беларусь ужо вяртаюцца першыя дзікія гусі. Яшчэ адна прыкмета хуткай вясны
Супрацоўнікі Нацыянальнага парку «Прыпяцкі» ў Гомельскай вобласці зафіксавалі на відэа вяртанне вялікай чарады дзікіх гусей з выраю.
«Ура! Вясна ідзе!», — пракаментавалі навіну гледачы відэа, якое выклалі супрацоўнікі Нацыянальнага парку ў тыктоку.
Паводле падлікаў аўтараў відэа, у чарадзе было не менш за 200 дзікіх шэрых гусей.
Гэтыя птушкі звычайна аднымі з першых вяртаюцца з поўдня, як правіла, калі вакол яшчэ поўна снегу, а вадаёмы закутыя ў лёд. Але нават для іх вяртанне ў Беларусь у сярэдзіне лютага — даволі ранняе.
Чытайце таксама:
Хутка вясна. У магілёўскім заасадзе прачнуўся мядзведзь ВІДЭА
Паводка дабралася да Мінскай і Брэсцкай вобласці
Cёння — Грамніцы ў праваслаўных. Прыкметы абяцаюць раннюю і цёплую вясну
