Затрымалі вядомага віцебскага відэаблогера Віталя Усціновіча
У Віцебску за каментары затрымалі блогера, стваральніка вобраза «дзядулі Шаўшэнкі» і сатырычнага серыяла «Ябацькіны навіны». Відэа з ім з'явілася ў канале сілавікоў.
Мужчына на відэа кажа, што яго завуць Віталь Усціновіч, у яго канале, дзе ён рабіў агляды на прадукты, — 48 тысяч падпісантаў, а затрымалі яго за каментары.
На відэа яго прымусілі запрасіць гледачоў «ісці на выбары і не парушаць закон».
На аватарцы ў яго канале цяпер з'явіўся дзяржаўны герб, туды залілі відэа сілавікоў з ім.
У 2022 годзе Віталь Усціновіч правёў трое сутак у ізалятары часовага ўтрымання, а пасля вызвалення не атрымаў назад сваю тэхніку.
У якім статусе Усціновіч цяпер, невядома.
Чытайце таксама:
У Баранавічах затрымалі трох чалавек за ўдзел у мітынгу 2020 года
Брэсцкага футбаліста затрымалі за сутэнёрства. А заадно і за палітыку
