Ва Украіне ўпершыню выкарысталі «гібрыдную» сістэму СПА FrankenSAM
Уначы 17 студзеня ўкраінскія вайскоўцы ўпершыню ў баявых умовах выкарысталі сістэму СПА праекта FrankenSAM. Сістэма збіла Shahed з адлегласці 9 кіламетраў, паведаміў міністр па пытаннях стратэгічных галін прамысловасці Украіны Аляксандр Камышын на брыфінгу ў Давосе.
Здымак ілюстрацыйны
Паводле слоў Аляксандра Камышына, усе першыя сістэмы СПА FrankenSAM ужо разгорнутыя на полі бою.
Праект FrankenSAM — гэта гібрыдныя сістэмы СПА, якімі сумесна займаюцца Пентагон, Міністэрства абароны Украіны і Міністэрства па пытаннях стратэгічных галін прамысловасці Украіны.
Фактычна гэта тры зенітна-ракетныя комплексы: савецкі ЗРК «Бук» з амерыканскімі ракетамі RIM — 7 Sea Sparrow, ракеты «паветра-паветра» AIM-9M у спалучэнні з савецкімі РЛС і ЗРК на базе ўкраінскіх старых сістэм з элементамі і ракетамі ад Patriot.
Афіцыйны прадстаўнік Пентагона сказаў, што выпрабаванні гэтай сістэмы ў кастрычніку 2023 года былі паспяховымі. Адзначаецца, што варыянты гібрыдных сістэм СПА прайшлі выпрабаванні на вайсковых базах у ЗША і мусілі быць дастаўленыя ва Украіну восенню. У снежні ЗША і Украіна падпісалі дэкларацыю аб сумеснай вытворчасці зброі.
Чытайце таксама:
Як украінцы збілі расійскі самалёт А-50 коштам у 330 мільёнаў даляраў
«Састарэлая тэхналогія». Кітай прызнаў неэфектыўнымі гіпергукавыя «цуда-ракеты» Пуціна
