Святар Лемяшонак заклікаў ахвотных хутчэй пераязджаць у Беларусь, бо хутка сюды прыедзе «ўся Еўропа» і месца можа не хапіць
У аўторкі праўладны святар Андрэй Лемяшонак запісвае «Гутаркі з бацюшкам» для YouTube-канала Свята-Елісавецінскага манастыра. У гэты раз было пытанне ад сям’і, якая хоча пераехаць у Беларусь. Лемяшонак параіў паспяшацца, бо ў Еўропе «цяпер прапануюць ручнік мачыць і так абцірацца». Заадно распавёў, як складана знайсці мужыка сярод еўрапейскіх лідараў.
Андрэй Лемяшонак. Скрыншот відэа на YouTube-канале Свята-Елісавецінскага манастыра
Вось як гучала пытанне: «Наша сям'я з Еўропы. Мы хочам пераехаць у Беларусь у сельскую мясцовасць. Шукаем прыход у вёсцы з добрым бацюшкам і дружнай паствай. Вельмі просім падказаць такое месца».
— Слухайце, ну не вы адны, — адказваў Лемяшонак. — Я ўжо ведаю столькі сем'яў — з Францыі, з Германіі, з Еўропы прыязджаюць шматдзетныя. І таксама дамы купляюць. Вось цяпер мы прынялі сям'ю з Балгарыі. Прыехалі, адважыліся — і мы ім крышачку дапамаглі. І цяпер яны ўжо жывуць — муж, жонка і дзіця. Так што спяшайцеся, бо калі вы спозніцеся, то хутка з Еўропы ўсе паедуць у Беларусь — месца можа не хапіць.
Святар у чарговы раз падкрэсліў: ніхто не ведае, як там, у Еўропе, а ён ведае. Бо манашкі Свята-Елісавецінскага манастыра рэгулярна туды ездзяць, а потым распавядаюць, хто мерзне, а хто памірае ад голаду.
— Міф пра тое, што ў Еўропе добра — гэта проста нейкая ўтопія. Нічога там добрага няма. Ёсць там добрыя людзі. Яны ўсюды ёсць: і ў Амерыцы, і ў Кітаі. А ёсць людзі не надта добрыя. Але сёння я глыбока перакананы, што Беларусь — гэта самая спакойная і самая свабодная тэрыторыя ва ўсім свеце. Хоць я ведаю вельмі шмат брыдоты, хоць я чую шмат… Дык гэта ўсюды ёсць!
Згадаў бацюшка і пра Расію, паскардзіўся на тое, што беларусы не шануюць тое, што маюць.
— У Расіі цяжэй. Хаця Расія і Беларусь — адно і тое ж. Але там такая зямля, гэтыя мільярдэры… Адкуль яны ўзяліся?! У нас крыху прасцей. Дый потым, разумееце, я скажу.
Які ў нас прэзідэнт? Мужык! Вы знайдзіце сярод еўрапейскіх лідараў мужыка
(сказаўшы гэта, Лемяшонак пачынае смяяцца, быццам сказаў вельмі смешны жарт. — НН). Выбачайце, я не хачу казаць нейкія рэчы іншыя. Мужык можа і памыліцца. Але гэта, разумееце, гэта не гульня. І людзі гэта разумеюць. І гэта я кажу не таму, што я за ўладу і ўсё такое. Ды не. Я хачу жыць з Богам. Бог заўсёды будзе лішнім у гэтым свеце. І ўсё роўна ты будзеш на крыжы. І ўсё роўна цябе ніхто не зразумее.
Напрыканцы бацюшка яшчэ раз параіў еўрапейскай сям'і паспяшацца з пераездам з Еўропы.
— Прыязджайце хутчэй з Германіі, бо неўзабаве там у Германіі не будзе чаго есці вам. Насамрэч, вы ведаеце якая там тэмпература цяпер? Сёстры вось ездзяць — там замярзаюць пад трыма коўдрамі!
Я даўно калісьці — яшчэ ў 90-х гадах — пабываў у Швецыі з дзецьмі (мяне паслалі з Петрапаўлаўскага сабора). Гэта не тое, што ў нас — уключыў душ, і стой. А там тады ўжо было немагчыма нармальна памыцца. Дык гэта калі было! А цяпер там прапануюць ручнік мачыць і так абцірацца.
А што яшчэ будзе? Пабачыце! Так што, дзякуй Богу, мы пакуль не брудныя ходзім, мыем рэчы — трэба гэта шанаваць. Вядома, хацелася б больш атрымліваць ды каб усё было танней. Але я думаю, цяпер у Беларусі галодных няма. Нават жабракі, калі ім даць кавалак хлеба, яны яго не возьмуць.
Чытайце таксама:
Праўладны святар адказаў, што рабіць, калі твая нявеста онліфаншчыца
и вот... монашки приходят, расставляют "святую" воду в пластиковых 1,5л бутылях с характерным названием "святой источник".. и вот появляется
шаманбатюшка и начинает покачивать своими телесами, лениво помахивать кадилом и завывать : ,,и дай нам бог услышать это..и откликнуться на это.." и тут...вдруг... у него где-то в кармане под рясой звонит телефон... а телефон ведь во время богослужения прихожанкам жэстачайшэ низя... но батюшка этот, забыв обо всем, задравши рясу, выхватывает телефон, и орет в трубку - алло!!!мужу кажу потым - так і так. ну як жа так?
а ён - ну што ты хочаш... у батюшки непосредственная связь с богом (смяецца)