Беларусь будзе патрабаваць кампенсацый стратаў ад «генацыду ў гады Вялікай Айчыннай вайны»
Рэспубліка Беларусь будзе настойваць на кампенсацыі прычыненай ёй шкоды ў гады Вялікай Айчыннай вайны, заявіў генпракурор Андрэй Швед, піша Sputnik. Як гэта будзе адбывацца, пакуль невядома.
Генеральны пракурор Андрэй Швед, ініцыятар расследавання «генацыду беларускага народа». Фота: тэлеграм-канал Генеральнай пракуратуры Беларусі
«Гэта не наша кампетэнцыя, але Беларусь прапрацоўвае пытанне аб кампенсацыі за страты ў гады Вялікай Айчыннай вайны», — сказаў Швед.
Раней паведамлялася, што цяпер сума палічанай шкоды, якую панесла БССР у гады вайны, паводле разлікаў беларускіх уладаў, — не меншая за 2,3 трыльёны даляраў.
Сёння старшыня Вярхоўнага суда Беларусі Валянцін Сукала паведаміў, што ўсе крымінальныя справы аб генацыдзе беларускага народа будуць разглядацца ВС у адкрытым фармаце.
Чытайце таксама:
Генпракуратура збіраецца займацца генацыдам яшчэ 5—7 гадоў
Генпракурор Швед патлумачыў, навошта яны хочуць судзіць памерлых нацыстаў
На кніжнай выставе ў Мінску дабіўся трыумфу «Генацыд беларускага народа»
