Мадура абвясціў частку Гаяны 24-м штатам Венесуэлы
Прэзідэнт Венесуэлы абвясціў пра стварэнне найвышэйшай нацыянальнай камісіі па «абароне Эсекіба» — заходняй часткі Гаяны.
Фота: Prensa Presidencial
Нікалас Мадура прапанаваў стварыць падраздзяленні ведамстваў, якія выдаюць ліцэнзіі на здабычу газу, нафты і карысных выкапняў на гэтай тэрыторыі. Нафтавым кампаніям, якія працуюць у моры, ён даў тры месяцы для завяршэння працы, піша ultimasnoticias.com.ve.
«Гаяна павінна ведаць, што мы робім правільна, бо гэта стане арганічным законам для ўсіх урадаў і будучых пакаленняў, на дзесяцігоддзі і далей (…) Усё, што робіцца ва ўмовах дэмакратыі, у міры, з бачаннем Сімона Балівара (заснавальніка Венесуэлы)», — сказаў ён.
Мадура абвясціў пра стварэнне зоны комплекснай абароны Гаяны-Эсекіба з трыма зонамі комплекснага развіцця і 28 сектарамі комплекснага развіцця. Ён прызначыў міністра ўнутраных спраў Радрыгеса Кабельё кіраўніком улады штата Гаяна-Эсекіба, палітыка-адміністрацыйная штаб-кватэра якога будзе размешчаная ў Тумерэма на тэрыторыі Венесуэлы.
У нядзелю ў Венесуэле прайшоў рэферэндум, па выніках якога каля 95% грамадзян прагаласавалі за ўключэнне Эсэкіба, дзе адкрытыя багатыя радовішчы, у склад краіны. У Гаяне асцерагаюцца, што Эсэкіба будзе анексавана.
Чытайце таксама:
95% чалавек прагаласавалі на рэферэндуме за ўключэнне дзвюх трацін Гаяны ў склад Венесуэлы
Нарастае напружанасць між Венесуэлай і Гаянай. Ці магчымая новая вайна?
