Шпілеўская заявіла, што літоўскія сем'і зрываюцца з месца і пераязджаюць у Беларусь. А прычына невідавочная
Дырэктарка беларускага прадстаўніцтва тэлеканала «Мір» Вольга Шпілеўская лічыць, што літоўцы бачаць, як жывуць у Астраўцы, і зайздросцяць.
Вольга Шпілеўская. Скрын перадачы «Клуб рэдактараў»
«Літоўцы ж едуць не толькі па пакупкі. Яны едуць сюды, каб тут пусціць карані, для таго, каб тут застацца, і для таго, каб тут жыць», — заявіла Шпілеўская ў перадачы «Клуб рэдактараў» на БТ.
На яе думку, Астравецкі раён — узорная карцінка, як хацелі б жыць еўрапейцы.
«І зразумела, што для літоўцаў, якія жывуць побач, гэта не вельмі добры прыклад, таму што карцінка кажа сама за сябе.
Ды нават параўноўваць няма чаго. І такіх гісторый, калі літоўскія сем'і зрываюцца з месца, маючы там усё, становіцца ўсё болей. Проста не баяцца, зрываюцца з месца і пераязджаюць на нашу тэрыторыю».
Але асноўнай прычынай такой цікавасці да Беларусі Шпілеўская, якая раней была ідэолагам Адміністрацыі Лукашэнкі, лічыць не эканоміку.
«Напэўна, у Еўропе мы застаёмся адзіным такім месцам з традыцыйнымі сямейнымі каштоўнасцямі, з нармальнай арыентацыяй, дзе можна выхоўваць нармальных дзяцей», — падсумавала яна.
Пасля зняцця кавідных абмежаванняў літоўцы сапраўды сталі больш ездзіць у Беларусь. Але часцей гэта жыхары прымежных раёнаў, а мэта візіту — наведаць сваякоў. Ездзяць таксама па пакупкі — таннае паліва, цыгарэты, асобныя прадукты.
Чытайце таксама:
«Навошта?» Прапагандысты прызналіся, што стаміліся апраўдваць размяшчэнне ядзернай зброі ў Беларусі
Кіраўніца Беларускага саюза жанчын Шпілеўская: Мы гатовы ісці абараняць радзіму
Стала вядома, ад чаго памёр прапагандыст Мікалай Шчокін
«Памерці за Лукашэнку». Хто такі Мікіта Рачылоўскі, новы твар прапаганды
