На Леаніда Судаленку завялі новую крымінальную справу
«Сябры, 1 лістапада СК у Гомелі завёў супраць мяне новую крымінальную справу (артыкул 361-4 КК «іншае садзейнічанне экстрэмісцкай дзейнасці»)», — напісаў праваабаронца ў сваім фэйсбуку.
«Як вядома, першы раз мяне кінулі ў турму за дапамогу людзям. Адсядзеў, выйшаў па званку і роўна на 100 дзён свабоды новыя абвінавачванні, не падабацца як я пра гэта расказваю людзям. Выходзіць зараз за тое, што не маўчу», — дадаў ён.
Леаніда Судаленку затрымалі 18 студзеня 2021 года па дарозе на працу. Першы раз яго абвінавацілі паводле арт. 342 Крымінальнага кодэксу (групавыя дзеянні, якія груба парушаюць грамадскі парадак) і асудзілі на тры гады пазбаўлення волі ў калоніі ва ўмовах агульнага рэжыму. Ён цалкам адбыў тэрмін прызначанага пакарання. Пасля вызвалення з’ехаў за мяжу, дзе працягвае праваабарончую дзейнасць, нагадвае «Флагшток».
Чытайце таксама:
Судаленка: Пры мне ў калоніі памерла тры чалавекі, а Уцюрын панібрацтвуе з начальнікам «Віцьбы»
Былы палітзняволены Леанід Судаленка выехаў з Беларусі
«Хвіліны шчасця». Як сустракалі з калоніі праваабаронцу Леаніда Судаленку ВІДЭА
Са слязамі на вачах. Як праваабаронца Леанід Судаленка правёў першыя дні на волі
