У Мінску сталі разбіраць даўгабуд на Маякоўскага. Што там збіраюцца ўзвесці
На будаўнічую пляцоўку (тут меўся быць гатэль Novotel) сёння заехаў дзяржаўны падрадчык. Будтрэст №4 ужо прыступіў да дэмантажных работ, паведамляе Мінскбуд.
На дэмантаж адведзена два месяцы. Будаўнікі цалкам дэмантуюць бетонныя падлогі, унутраныя цагляныя перагародкі, частку лесвічных маршаў і падмуркаў на ўсіх трох блоках будынка.
Пасля вызвалення будпляцоўкі ад дэмантаваных будматэрыялаў і смецця прыступяць да гідраізаляцыі падмуркаў.
Каркас будынка пакінуць, нарасціўшы паверхі. Крайнія блокі будуць пяціпавярховымі, сярэдні — у чатыры паверхі.
На тэрыторыі фармуецца бытавы гарадок (хутка падключаць да электразабеспячэння), уладкоўваецца паркавая дарога, змантаваная мыйка для колаў аўтатранспарту.
Тут будзе аб'ект медыцынскага прызначэння, дзе размесцяцца стаматалагічная паліклініка, эндакрыналагічны цэнтр і цэнтр пластычнай хірургіі.
