Паглядзіце, як цудоўна беларускую «Пагоню» спявае ўкраінскі бандурыст ВІДЭА
Беларуская пісьменніца Іна Дзідык, якая даўно жыве ва Украіне, апублікавала ў фэйсбуку відэа, на якім украінскі вандроўны бандурыст-містык Багдан Казлоўскі спявае па-беларуску знакамітую «Пагоню» на словы Максіма Багдановіча.
Скрыншот з відэа
Музыку да словаў Багдановіча Багдан Казлоўскі напісаў самастойна, бо яму спадабаўся тэкст, а як гучыць музыка гэтага гімна ў арыгінале, ён не ведаў.
«Гэта не адзіная песня Багдана Казлоўскага на беларускай мове. Калі мы пазнаёміліся і ён даведаўся, што я беларуска, папрасіў, каб пагаварыла на роднай мове. Багдан лёгка ўключыўся ў размову, хоць і гаварыў па-беларуску ўпершыню. Далёка не ўсе этнічныя беларусы ведаюць мову на такім узроўні», — піша Іна Дзідык.
Свой спеў «Пагоні» Багдан Казлоўскі прысвяціў тым беларусам, якія аддалі жыццё за свабоду Украіны і Беларусі.
Чытайце таксама:
Маргарыта Ляўчук едзе з канцэртамі на фронт
Украінка абурылася беларусам, які спяваў «Воіны свету» ў Варшаве
