Уводзіцца адміністрацыйная адказнасць за «прапаганду нетрадыцыйных сэксуальных адносін» і бяздзетнасці
Па ініцыятыве Генеральнай пракуратуры зацверджаны план мерапрыемстваў па абароне дзяцей ад сэксуальнага гвалту і эксплуатацыі. Ён прадугледжвае ўвядзенне хімічнай кастрацыі педафілаў. Але пад шумок упершыню ўводзіцца таксама адказнасць за «прапаганду нетрадыцыйных сэксуальных адносін» і бяздзетнасці, на ўзор таго, што існуе ў Расіі. Гэтыя нормы лёгка могуць выкарыстаныя для пераследу ЛГБТ і адзінокіх.
Першая пара жанчын, якая ажанілася ў Каліфорніі пасля легалізацыі аднаполых шлюбаў. David McNew / Getty Images
Як паведамляе прэс-служба пракуратуры, падрыхтаваныя змены ў Крымінальны кодэкс: разам з пакараннем за злачынства прысудам суда прадугледжваецца прымусовае лячэнне асоб, якія хворыя на педафілію.
Распрацаваны і зацверджаны клінічны пратакол, які змяшчае алгарытм лячэння педафіліі, у тым ліку з прымяненнем хімічнай кастрацыі.
Прынятыя меры па развіцці даступнай сэксалагічнай дапамогі насельніцтву, як паведамляе прэс-служба, не раскрываючы падрабязнасцяў.
Лукашэнка, паводле паведамлення, падтрымаў ініцыятывы Генпракуратуры «аб прапрацоўцы пытанняў, якія тычацца ўзмацнення адказнасці бацькоў; вызначэнні адміністрацыйнай адказнасці за прапаганду нетрадыцыйных сэксуальных стасункаў, змены полу, педафіліі і чайлдфры; укаранення ў адукацыйны працэс абавязковага курса на тэму палавога выхавання дзяцей і моладзі; узмацнення кантролю за раней судзімымі асобамі, у тым ліку з выкарыстаннем электронных бранзалетаў».
За апошнія 5 гадоў, паводле Генпракуратуры, у Беларусі больш за 3,5 тысячы дзяцей сталі ахвярамі злачынстваў супраць палавой недатыкальнасці.
https://nashaniva.com/319487
Відавочна, што галоўнай мэтай рэжыма з'яўляецца змаганне супраць ЛГБТ і чайлдфры.
Гэта вельмі нагадвае шлях нацыстаў ў Нямеччэні і камуністаў ў СССР, якія таксама змагаліся ня толькі з усім, што не пагаджалася з імі, але і з тым, што не адпавядала іх бачанню грамдацтва як статку, адзіная роля якога - быць харчовай базай, а ў неабходнасці - стаць гарматным мясам.